Sacyjalnaja sietka Facebook zapuściła ŭ Biełarusi supolna z mabilnym aperataram life:) prajekt «Free Basics».
Prajekt daje biaspłatny dostup da Facebook (pastoŭ i pierapiski, ale nia fota i videa), navinaŭ roznych mižnarodnych resursaŭ i biełaruskaha partału Tut.by, «Vikipedyi», pošuku Bing, słoŭnika Dictionary.com, elektronnych biblijatek, prahnozu nadvorja ad AccuWeather, žanočaha partału UN Women, resursaŭ pra VIČ, biaśpiečny seks i maciarynstva dy inšych servisaŭ.
Pakul prajekt dastupny tolki abanentam life:). Abanenty mohuć atrymać biaspłatny «bazavy internet» praz sajt freebasics.com abo Android-prahramu Free basics. Interfejs dastupny na rasiejskaj movie, ale peŭnaja častka resursaŭ — tolki pa-anhielsku.
Dva inšyja biełaruskija mabilnyja aperatary nie paviedamlali pra namiery dałučycca da prajektu.
Free basics — składnik prajektu Internet.org, nacelenaha na dostup da internetu ŭ tych krainach, dzie takuju vyhodu majuć jašče nia ŭsie, a taksama na dapamohu ludziam, jakija majuć patrebu ŭ padtrymcy.
U Biełarusi kolkaść abanentaŭ mabilnych aperataraŭ pieravyšaje kolkaść nasielnictva (kožny piaty maje dźvie ci bolš sim-kartak), 66% nasielnictva karystajucca internetam, 32% nasielnictva majuć šyrokapałosny dostup da internetu z domu.
