Vosiem hrodzienskich siemjaŭ zmahajucca za biełaruskuju hrupu ŭ sadku
Baćki chočuć, kab hrupu stvaryli ŭ sadku №65, što mieścicca na vulicy Repina ŭ Hrodnie. Miascovyja ŭłady abiacajuć adkryć jaje, kali siemjaŭ budzie nie vosiem, a dvanaccać.
Dzieciam ad dvuch da čatyroch hadoŭ.
Jak raspaviała Aksana Stankievič, jakaja inicyjavała stvareńnie hrupy, kali z adździełam adukacyi Hrodzienskaha harvykankama nie atrymałasia damovicca, baćki napisali kiraŭnictvu skarhu.
«Adrazu nam pajšli nasustrač, skazali, što ŭsio budzie dobra. Adnak na dniach my atrymali adkaz na skarhu, dzie havorycca, što ŭ dadzieny momant hrupku adkryć nielha. My napisali skarhu na hetaje rašeńnie ŭ Hrodzienski abłvykankam, — raspaviadaje Aksana.
— My prychodzim da čynoŭnikaŭ i kažam, što jość vosiem achvotnych. My dumajem, što heta nie mała: heta nie dva, nie try, nie čatyry čałavieki. Mahčyma, niechta jašče dałučycca. Jość ludzi, hatovyja dałučycca naleta — heta jašče čatyry čałavieki».
Aksana dadaje, što na ŭsie ich arhumienty «za» kiraŭnictva adkazvaje adnym «suprać»: jość pałažeńnie ab kamplektacyi ŭstanoŭ daškolnaj adukacyi, dzie napisana, što roznaŭzrostavaja hrupa pavinna ŭklučać 12 čałaviek.
Kali raptam nie ŭdasca damahčysia stvareńnia biełaruskaj hrupki, dzieci chutčej za ŭsio pojduć u zvyčajnuju. Adnak baćki nastrojenyja rašuča i praciahvać nastojvać na tym, kab ich dzieciam dali mahčymaść zajmacca pa-biełarusku. Tym bolš, užo jość nastaŭniki anhlijskaj i niamieckaj movaŭ, hatovyja pravodzić dla dziaciej u biełaruskaj hrupie zaniatki biaspłatna.
Kali ž ciapier adšukajucca jašče čaćviora baćkoŭ, achvotnych adpravić svaich dziaciej u novym navučalnym hodzie ŭ biełaruskuju hrupku, pytańnie vyrašycca aŭtamatyčna. Kali chočacie dałučycca, źviartajciesia da Aksany Stankievič pa numarach: +375 (44) 768-05-14 (Vel), +375 (33) 381-72-78 (MTS).
Kamientary