Pad Rečycaj brakańjer pry zatrymańni sprabavaŭ «padstavić» svajho vypadkovaha spadarožnika, paviedamili BIEŁTA ŭ pres-słužbie Dziaržaŭnaj inśpiekcyi achovy žyviolnaha i raślinnaha śvietu.
U Rečyckim rajonie supracoŭniki DAI spynili dla pravierki aŭtamabil «Mersedes» pad kiravańniem žychara ahraharadka Pieraśviatoje i ŭ bahažniku vyjavili sumki ź miasam. Pry detalovym ahladzie sałona aŭtamabila byli znojdzienyja taksama čatyry hilzy da hładkastvolnaj strelby. Vykazaŭšy zdahadku, što heta zdabytaja niezakonna dzičyna, pravaachoŭniki vyklikali na miesca supracoŭnikaŭ Homielskaj achoŭnaj inśpiekcyi. Pry hetym u sałonie mašyny znachodziŭsia taksama žychar Rečycy — vypadkovy spadarožnik.
Kiroŭca aŭtamabila staŭ śćviardžać, što sumki ź miasam naležać jaho spadarožniku, jakoha jon pahadziŭsia padvieźci. Pasažyr ŭpeŭnivaŭ u zvarotnym, tłumačačy, što sieŭ u svoj «Mersedes» z pustymi rukami. Dla paćvierdžańnia svajoj niedatyčnaści da niezakonnaha palavańnia mužčyna dobraachvotna addaŭ na ekśpiertyzu vierchniuju vopratku i abutak.
Na nastupny dzień kiroŭca źjaviŭsia z pavinnaj i raspavioŭ, što padstreliŭ kazulu na terytoryi Rovienskaj-Słabadskoj palaŭničaj dačy, skarystaŭšysia nielehalnaj zbrojaj. Brakańjer raskajaŭsia i pakazaŭ miesca zdabyčy žyvioły i vydaŭ svoj schron — prysypanuju staroj listotaj strelbu. Pryčynienuju pryrodzie škodu ŭ pamiery Br2,7 tys mužčyna kampiensavaŭ u toj ža dzień. Heta nie pazbavić parušalnika ad adkaznaści, adnak moža istotna źmiakčyć pakarańnie.
Kamientary