Jak budzie vyhladać skulpturnaja kampazicyja «Biełarusam śvietu» la Trajeckaha FOTAFAKT
Novaja skulpturnaja kampazicyja pavinna źjavicca da 950-hodździa Minska pablizu Trajeckaha pradmieścia, paviedamili ahienctvu «Minsk-Naviny» ŭ KUP «Minskaja spadčyna».
Pamiatny znak budzie ŭjaŭlać saboj koła — adzin z samych staražytnych słavianskich znakaŭ, jaki ŭvasablaje sonca, ziamnoje koła žyćcia, viečnaść. Koła vykarystoŭvałasia biełarusami ŭ roznych abradach, śviatach (Kupalle, Kalady), u toj ža čas heta samy nieabchodny invientar u sialanskaj haspadarcy.
Bronzavuju skulpturu dyjamietram prykładna 3 mietry ŭstalujuć na hranitnym vałunie z nadpisam «Biełarusam śvietu». Vobraz dapoŭnić stužka z nacyjanalnym arnamientam.
— Pamiatny znak pryśviačajecca ŭsim biełarusam, jakija žyvuć u roznych kutkach Ziamli. Abjadnoŭvaje ŭsich hetych ludziej luboŭ da Radzimy, da jaje movy, zvyčajaŭ, kultury. U roznych krainach jany stvarajuć dyjaspary, dzie hučyć rodnaja mova, radujuć dušu i serca pieśni na «matčynaj movie». Na roznych kantynientach, staŭšy častkaj historyi roznych krain, jany zastajucca biełarusami. Takija imiony, jak Ihnat Damiejka, Mark Šahał, Barys Kit, viadomyja ŭsiamu śvietu, — raspaviadaje adzin z aŭtaraŭ kampazicyi doktar architektury, prafiesar Armien Sardaraŭ.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary