Milicyjanta, jaki skraŭ $270 tysiač, nie vypuścili ŭ ZŠA. Ale i ŭ Biełaruś jaho nie viernuć
Pavodle danych krynicy TUT.BY, eks-supracoŭnik HUBAZiK MUS, jaki padazrajecca ŭ kradziažy amal 270 tysiač dalaraŭ, dastaŭ hrošy ź siejfa naparnika z dapamohaj zapasnoha kluča. U Rumynii jon byŭ zatrymany pa linii Interpała, adnak atrymaŭ hramadzianstva hetaj krainy i byŭ adpuščany.
— Hety supracoŭnik nie pieršy hod pracuje ŭ HUBAZiK MUS i takoha ad jaho, viadoma, nichto nie čakaŭ. Svaim učynkam jon padstaviŭ naparnika, — raspaviadaje TUT.BY ułasnaja krynica. — Sprava była takaja: amal 270 tysiač dalaraŭ apierupaŭnavažany kanfiskavaŭ pry zatrymańni dyrektara vizavaha centra. Pytańnie ab pieradačy takoj sumy jon abmiarkoŭvaŭ sa śledčym SK, adnak toj skazaŭ, što nie budzie zachoŭvać jaje ŭ siabie. Supracoŭnik HUBAZiK pakłaŭ dalary ŭ siejf, začyniŭ, ale dublikat kluča zaŭsiody jość u naparnika, ci mała što moža zdarycca. Hetym i skarystaŭsia jaho kaleha: pryjšoŭ u vychadny dzień, zabraŭ 270 tysiač dalaraŭ i źjechaŭ spačatku va Ukrainu, dzie žyvuć jaho svajaki, a zatym u Rumyniju. Pavodle našaj infarmacyi, jon źbirajecca vylecieć da siastry ŭ Amieryku».
Adzin z samych bujnych kradziažoŭ za apošni čas adbyŭsia prosta ŭ budynku MUS. Pra heta nie paviedamlali ni milicyja, ni Śledčy kamitet. I tolki 18 krasavika hetaja historyja stała viadomaja šyrokaj publicy dziakujučy apublikavanaj u Adzinym dziaržaŭnym rejestry sudovych rašeńniaŭ Ukrainy pastanovie Šaŭčenkaŭskaha rajonnaha suda Kijeva.
U piatnicu ministr unutranych spraŭ Ihar Šunievič paćvierdziŭ: da kradziažu datyčny nie starońni čałaviek.
- Ja mahu tolki adno skazać: u siamji nie biez vyradka, heta hańba jamu i jaho siamji, - prakamientavaŭ ministr.
Žurnalisty vykazali zdahadku, što da hučnaj spravy moža mieć dačynieńnie ŭžo były staršy ŭpaŭnavažany pa asabliva važnych spravach HUBAZiK MUS Biełarusi Andrej Urazaŭ. Mienavita jon 29 śniežnia 2016 hoda kamientavaŭ žurnalistam zatrymańni ŭ vizavym centry, a ŭ lutym supracoŭnik milicyi ŭžo šukaŭ pracu ŭ słužbie achovy na śpiecyjalizavanym sajcie. Prośbu TUT.BY prakamientavać situacyju Urazaŭ praihnaravaŭ. Ale pa našaj infarmacyi, siejf, u jakim lažali hrošy, znachodziŭsia ŭ kabiniecie nie Urazava, a zusim inšaha supracoŭnika.
Kali ŭ Minsku ad vydavańnia padrabiaznaściaŭ kryminalnaj spravy ustrymlivajucca, to ŭ Buchareście z nami infarmacyjaj padzialilisia.
- Hety čałaviek na siońniašni dzień źjaŭlajecca hramadzianinam Rumynii, pražyvaje tut. Pavodle dakumientaŭ mižnarodnaha vyšuku, jon byŭ zatrymany ŭ Rumynii. Adnak u suviazi z tym, što jon ciapier hramadzianin Rumynii i Rumynija nie vydaje svaich hramadzian trecim krainam, jon byŭ adpuščany, — prakamientavała TUT.BY inšaja krynica.
Jak ža supracoŭnik MUS zmoh tak chutka atrymać hramadzianstva? Chutčej za ŭsio, jon skarystaŭsia sproščanaj praceduraj, jašče znachodziačysia ŭ Minsku. Takaja pracedura praduhledžana dla asob, u jakich pramyja svajaki pražyvali na histaryčnych terytoryjach Rumynii: Bukavina, Biesarabija … Kajdanki na ŭciekača nadzieli ŭ studzieni, miesiac jon pravioŭ za kratami, a zatym padaŭ usie nieabchodnyja dakumienty, i 19 lutaha jaho adpuścili.
Jak nam udałosia daviedacca, amierykanskaja viza dadzienamu hramadzianinu była anulavana ŭ suviazi z učynienym złačynstvam na terytoryi RB. Pakinuć Rumyniju jamu budzie niemahčyma, bo jon znachodzicca ŭ mižnarodnym vyšuku. Mienavita tamu jaho i zatrymali ŭ aeraporcie, kali jon sprabavaŭ vylecieć u ZŠA.
Zaraz eks-milicyjant znachodzicca ŭ Rumynii. Jak stała viadoma TUT.BY, supracoŭnik HUBAZiK MUS pryjechaŭ u hetuju krainu adzin, jon chałasty, siamji ŭ jaho niama.
U MUS ad kamientaroŭ admovilisia.
Kamientary