«Dzie ***** podpisy???» Prapahandyst Tur zabłytaŭsia ŭ vybarčych realijach
Praz amal čatyry z pałovaj hadoŭ paśla prezidenckich vybaraŭ 2020 hoda prapahandysta Ihara Tura narešcie azaryła «eŭryka», jakim čynam možna pastavić šach i mat arhanizataram alternatyŭnaha padliku hałasoŭ.
Ihar Tur stavić pad sumnieŭ sapraŭdnaść tych aficyjnych pratakołaŭ z vybarčych učastkaŭ, pavodle jakich na ich pieramahła Śviatłana Cichanoŭskaja.
Pa nazirańniach prapahandysta, abjadnoŭvaje hetyja pratakoły
«tatalnaja adsutnaść proźviščaŭ siabraŭ vybarčych kamisij i nivodnaha podpisu. Nivodnaha podpisu, ni na adnym «pratakole» — heta nie pratakoł, a papierka».
U jakaści prykładaŭ Tur raźmiaščaje niekalki vyjaŭ piaredniaha boku «kramolnych» pratakołaŭ, dzie podpisaŭ sapraŭdy niama. A krychu jašče parazvažaŭšy na hetuju temu, jon zaviaršaje svoj hnieŭny śpič hroznym pytańniem:
«Dzie ***** podpisy, kali heta nibyta pratakoł???»
Adkaz na heta pytańnie lažyć na pavierchni:
pieralik proźviščaŭ siabraŭ vybarčych kamisij i ich podpisy — na advarotnym baku pratakoła, jak i praduhledžana aficyjnaj formaj hetaha dakumienta, zaćvierdžanaha pastanovaj Centralnaj vybarčaj kamisii.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary