Jeŭrapiejski kantynient padviarhajecca siońnia nieabhruntavanaj militaryzacyi, a ŭ honku ŭzbrajeńniaŭ i vajennyja padrychtoŭki ŭciahvajucca navat niejtralnyja dziaržavy. Pra heta padčas VI Maskoŭskaj kanfierencyi pa mižnarodnaj biaśpieki zajaviŭ ministr abarony Biełarusi Andrej Raŭkoŭ.
«Zamiest taho, kab damaŭlacca ab razumnym abmiežavańni vajennych vydatkaŭ, mnohija dziaržavy zachoŭvajuć tendencyju ich rostu. My krytyčna aceńvajem pazicyju kiraŭnictva ZŠA prymusić usich jeŭrapiejskich čalcoŭ NATA tracić na abaronnyja patreby nie mienš za 2% ad VUP. Na naš pohlad, heta nie što inšaje, jak łabiravańnie intaresaŭ paŭnočnaamierykanskaha vajenna-pramysłovaha kompleksu», — skazaŭ Andrej Raŭkoŭ, dadaŭšy, što pavieličeńnie abaronnaj mocy jeŭrapiejskich dziaržavaŭ nie kampiensujecca vyvadam ź ich terytoryj amierykanskich vajennych baz.
«Vojska vyvodzić nichto nie abiacaje», — adznačyŭ Andrej Raŭkoŭ.
«Naša acenka hetym pracesam adnaznačnaja - idzie praźmiernaja i nieabhruntavanaja militaryzacyja jeŭrapiejskaha kantynienta», - zajaviŭ jon.
Pry hetym, ličyć Andrej Raŭkoŭ, šerah dziaržaŭ pačynajuć pretendavać na rolu rehijanalnych centraŭ siły, vybraŭšy militaryzacyju ŭ jakaści drajviera rostu ekanomiki, a niejtralnyja dziaržavy ŭciahvajucca «u vajennyja padrychtoŭki».
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha1
Kamientary