Niekatoryja minčuki i hości stalicy traplali ŭ situacyi, kali achova zabaraniała im fatahrafavać u kramach i handlovych centrach. Pa tłumačeńni pra zakonnaść takich dziejańniaŭ u Minharvykankam źviarnulisia aŭtary pietycyi na resursie «Zručny horad». Niadaŭna jany atrymali aficyjny adkaz za podpisam namieśnika staršyni vykankama Andreja Damarackaha. Zhodna ź im, fatahrafavać i zdymać videa ŭ kramach i kaviarniach možna biez dazvołu.
«Možna ci nielha zdymać u kramie? Ci mohuć prymianić za zdymki artykuł 17 KaAP («Chulihanstva»)? Kamu možna vieryć, kamu nie?» — zadali pytańnie na sajcie «Zručny horad» i nakiravali razhornuty zapyt u Minharvykankam.
Aŭtary paviedamlali, što zabarona na zdymki časam abhruntoŭvajecca rabotnikami kramaŭ unutranymi zahadami kiraŭnictva, aŭtarskimi pravami na afarmleńnie vitryn ci abaronaj intaresaŭ hramadzian.
U nieabchodny termin składalniki zapytu atrymali adkaz za podpisam namieśnika staršyni Minharvykankama Andreja Damarackaha, jaki kuryruje ŭ tym liku handal.
Sa spasyłkami na zakanadaŭstva ŭ adkazie tłumačycca, što infarmacyja, da jakoj kožny maje volny dostup, nie źjaŭlajecca pradmietam kamiercyjnaj tajamnicy. Tamu afarmleńnie toj ža vitryny adnieści da takich nielha.
Hałoŭnaja ž vysnova ŭsiaho tekstu adkazu Minharvykankama hučyć nastupnym čynam.
«Hramadzianie majuć prava ažyćciaŭlać fota- i videazdymki ŭ ahulnadastupnych pamiaškańniach, u tym liku ŭ kramach, handlovych centrach, kłubach, barach. Rabotnik słužby achovy nie maje prava zabaraniać abo prypyniać praces fota- i videazdymki. Znak na ŭvachodzie (zakreśleny fotaaparat) nie moža być pieraškodaj dla fotazdymki», — havorycca ŭ liście za podpisam Damarackaha.
Vyklučeńniem z hetaha praviła źjaŭlajucca ihralnyja ŭstanovy, dzie zabaroniena zdymać naviedvalnikaŭ bieź ich zhody abo biez zhody ŭpaŭnavažanaj słužbovaj asoby abo arhanizatara azartnych hulniaŭ.
-
Minski ipešnik, jaki pisaŭ ananimki na kankurentaŭ, akazaŭsia dyrektaram turfirmy, jakaja niadaŭna nie daviezła turystaŭ u Ryhu
-
Homielski sienatar chacieŭ pahrecca ŭ pramianiach «Vialikaj Pieramohi», ale jaŭna pierahnuŭ z samapijaram FOTAFAKT
-
Bresckaha biznesmiena zavočna asudzili da 3 hadoŭ kałonii
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary