Tałakoj źbirajuć srodki na vydańnie pa-biełarusku knihi pra mastactva žyćcia
Na płatformie «Tałaka» idzie zbor srodkaŭ na pierakład vybitnaj knihi pa psichaterapii Alfryda Łenhle - «Ślady sensu. Dać adkaz žyćciu».
Chto taki Alfryd Łenhle?
Alfryd Łenhle - aŭstryjski psichaterapieŭt, vučań i paplečnik Viktara Frankła, adzin z zasnavalnikaŭ łohaterapii i ekzistencyjalnaha analizu.
Knihi Alfryda Łenhle pierakładzienyja na šmatlikija movy śvietu.
Kniha «Ślady sensu. Dać adkaz žyćciu» znachodzicca na pamiežžy śpiecyjalnaj i mastackaj litaratury. U formie paetyčnych zanatovak aŭtar uvodzić čytača ŭ śfieru pytańniaŭ i paniaćciaŭ, na bazie jakich vybudoŭvajecca praca ŭ miežach ekzistencyjalnaha analizu i łohaterapii.
Sens, adkaznaść, strach, pakuty — voś tolki niekatoryja z klučavych paniaćciaŭ, jakija zakranajucca ŭ knizie. Aŭtar nie daje rekamiendacyj, ale zadaje pytańni, jakija dapamahajuć uvažliva pahladzieć na ŭłasnuju situacyju ŭ hetym śviecie: što adbyvajecca sa mnoju, kali ja žyvu?
«U našym hramadstvie, jakoje pabudavana na ijerarchijach, čałaviek časta daloka ad samoha siabie, nie ŭśviedamlaje siabie, —
kaža pierakładčyca knihi na biełaruskuju Iryna Hierasimovič. Tamu takaja knižka mnie padajecca vielmi aktualnaj i dla šyrokaj publiki. Dla psichaterapieŭtaŭ i psichołahaŭ: jana maje nastroić klijenta na peŭnuju chvalu, nieabchodnuju dla jakasnaha ŭzajemadziejańnia padčas kansultacyi».
Kniha, ličać vydaŭcy, budzie karysnaja usim, chto zacikaŭleny ŭ śviadomym i adkaznym pražyvańni ŭłasnaha žyćcia.
Padtrymać knihu možna na płatformie Tałaka.
Frahmienty knižki jość na sajcie vydaviectva «Halijafy».
Ciapier čytajuć
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada3
Kamientary