Premjer-ministr Čechii Bahusłaŭ Sabotka na hetym tydni padaść prašeńnie ab adstaŭcy svajho kabinieta z-za padazronych dziełavych machinacyj ministra finansaŭ i pieršaha vice-premjera Andreja Babiša, paviedamlajuć Česke Noviny.
U aŭtorak Bahusłaŭ Sabotka zajaviŭ na pres-kanfierencyi, što jon sustreniecca z prezidentam Zemanam na hetym tydni i padaść prašeńnie ab adstaŭcy ŭrada.
«Ja hatovy paviedamić prezidentu ab adstaŭcy, miarkuju, užo na hetym tydni», — zajaviŭ Sabotka.
Takoje rašeńnie jon patłumačyŭ tym, što nie moža nieści adkaznaść za ŭrad, u jakim ministra finansaŭ padazrajuć u finansavych machinacyjach.
Raniej Sabotka abvinavaciŭ ministra finansaŭ Andreja Babiša ŭ tym, što toj nie płaciŭ padatki z abarotu ablihacyj chołdynhu Agrofert, vykarystoŭvajučy dla hetaha prabieły ŭ zakanadaŭstvie. Dachody Babiša ad ablihacyj skłali 90 młn češskich kron u hod (kala $3,5 młn). Tady Sabotka publična abmaciukaŭ ministra ŭ sacsietcy.
Majomaść ministra Babiša aceńvajecca ŭ $2,5 młrd i jon źjaŭlajecca druhim najbahaciejšym čałaviekam u Čechii.
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu12
Kamientary