Pieršuju pieramohu na baskietbolnym alimpijskim turniry ŭ Pekinie atrymali našy dziaŭčaty. Ich supiernicami byli łatyški. Paśla hetaj pieramohi pierad kamandaj Anatola Bujalskaha pačała vymaloŭvacca čverćfinalnaja perspektyva.
Pieršuju pieramohu na baskietbolnym alimpijskim turniry ŭ Pekinie atrymali našy dziaŭčaty. Ich supiernicami byli łatyški.
Mienavita z hieahrafičnymi susiedkami ŭ kastryčniku letaś my razyhryvali bronzavyja medeli čempijanatu Eŭropy. Tady ŭ Italii našy dziaŭčaty akazalisia macniej, toje samaje paŭtaryłasia i na kitajskim parkiecie.
U pieršym matčy turniru biełaruski biez varyjantaŭ prajhrali čempijonkam śvietu z Aŭstralii, ale spadziavacca na pieramohu ŭ toj hulni było trochu samaŭpeŭniena. Aŭstralijki ni na chvilinu nie dali zasumniavacca ŭ svajoj kvalifikacyj. Jak vynik, finalnaja syrena zafiksavała nastupnyja ličby na tablo – 64:83.
U matčy z łatyškami spadziavańniaŭ na pieramohu było našmat bolej. Tolki pieršyja dźvie čverci matču prajšli ŭ adnosna roŭnaj hulni. Na vialiki pierapynak kamandy sychodzili ź likam 40:35 na karyść našych dziaŭčat.
U treciaj i čaćviortaj ža čverciach kamanda Anatola Bujalskaha daviała svaju pieravahu da zusim nieprystojnych 23 punktaŭ – 80:57. Asabliva mahutna vyhladała ŭ abaronie Nastaśsia Vieramiejenka, a ŭ atacy Alena Leŭčanka (na zdymku), jakaja nabrała 22 punkty. Mienavita hetyja dźvie baskietbalistki zrabili najbolšy ŭkład u pieramozie. Chacia starałasia ŭsia kamanda.
Našy baskietbalistki całkam neŭtralizavali liderku atak łatyšak i adnu z najlepšych baskietbalistak śvietu Anite Jakabsone. Inšyja prybałtki taksama nie zmahli ŭziać na siabie liderskija funkcyi.
Biełaruski atrymali pieršuju histaryčnuju pieramohu na Alimpijskich hulniach. Jašče nikoli dahetul pradstaŭniki našaj krainy nie pieramahali na letnich Hulniach u kamandnych vidach sportu.
Paśla hetaj pieramohi pierad kamandaj Anatola Bujalskaha bolš jaskrava pačała vymaloŭvacca čverćfinalnaja perspektyva.
Nastupnuju hulniu našy dziaŭčaty praviaduć 13 žniŭnia suprać Rasiei. Pačatak a 4:00 pa biełaruskim časie.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy5
Kamientary