Čmyr napisaŭ čarhovuju skarhu — vinavacić arhanizataraŭ fotavystavy ŭ ckavańni
Dniami ŭ CECHu zapracavała vystava World Press Photo 2017. Raboty, jakija ekspanujucca, padpisanyja pa-biełarusku i pa-anhlijsku.
Paśla adkryćcia vystavy muzyka z Drum Ecstasy Filip Čmyr paprasiŭ arhanizataraŭ u knizie zaŭvah i prapanovaŭ «z pavahaj stavicca da ruskamoŭnaha nasielnictva Respubliki Biełaruś i nie zabyvać publikavać infarmacyju na dźviuch dziaržaŭnych movach».
Muzyka aburyŭsia tym, što zdymak hetaha jaho dopisu apublikavała na svajoj staroncy ŭ fejsbuku dyrektarka CECHu Julija Daraškievič. Pad pastom pačałosia haračaje abmierkavańnie precedentu, mnohija rezka krytykavali dziejańni Čmyra.
Muzyka paraiŭ Julii vydalić post, pryhraziŭšy paskardzicca ŭ orhany dziaržkantrolu. Dyrektarka CECHu zapis nie prybrała, patłumačyŭšy, što zabarony na publikacyju vytrymak z knihi skarhaŭ u zakanadaŭstvie nie bačyła.
Na nastupny dzień Filip Čmyr viarnuŭsia ŭ CECH, kab napisać u knizie zaŭvah i prapanovaŭ jašče adnu skarhu.
«05.05.2017 mnoj była pakinuta prapanova ŭ knizie zaŭvah. 05.05.2017 jana była apublikavanaja ŭ sacsietcy fejsbuk na staroncy supracoŭnika CECHu Julii Daraškievič biez uzhadnieńnia sa mnoj, z ukazańniem majho proźvišča i ŭkazańniem akaŭnta. Takim čynam supracoŭnik arhanizavaŭ ckavańnie praz zapis naviednika vystavy z pryciahnieńniem ŚMI. Taksama apublikavała asabistaje paviedamleńnie z prośbaj vydalić kamient (skrynšoty zachavanyja), što taksama źjaŭlajecca parušeńniem biez majoj zhody. Prašu pravieści rasśledavańnie pa fakcie traplańnia ŭ sietku aficyjnaha dakumienta, a taksama nieprafiesijnaj pracy sa spažyŭcom. Pakarać vinavatych. I patrabuju aficyjnych vybačeńniaŭ», — napisaŭ muzyka.
Heta ŭžo druhi dopis u knizie zaŭvah i prapanoŭ CECHu, i druhi — Filipa Čmyra.
«Ja nie suprać knihi skarhaŭ jak instrumienta palapšeńnia jakaści absłuhoŭvańnia. Ale heta nie toj vypadak. My prasoŭvajem biełaruskuju kulturu, my padtrymlivajem hramadska-značnyja prajekty. Bieźlič važnych inicyjatyvaŭ atrymlivajuć ad nas placoŭku i dapamohu. I čałaviek faktyčna abvieściŭ vajnu CECHu z zaklikam «nakazať vinovatych», pryciahvajučy sabie na dapamohu dziaržustanovy ź ich pravierkami i ideałahičnymi šorami», — prakamientavała Julija Daraškievič.
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary