Viarchoŭny sud Ispanii paćvierdziŭ prysud arhientynskamu forvardu Lijanelu Miesi, jaki ŭ lipieni minułaha hoda byŭ asudžany na 21 miesiac turmy za ŭchileńnie ad padatkaŭ. Sud taksama abaviazaŭ jaho vypłacić štraf na sumu 2 młn jeŭra.
U toj ža čas sud źniziŭ turemny termin baćku futbalista da 15 miesiacaŭ.
Jak čakajecca, Miesi i jaho baćka naŭrad ci siaduć u turmu, bo sudy ŭ Ispanii zvyčajna dajuć ŭmoŭnyja terminy, kali złačynstva było ździejśniena ŭ pieršy raz i termin pa prysudu nie pieravyšaje dvuch hadoŭ.
Kančatkovaje rašeńnie pavinien pryniać sud u Barsiełonie.
Lijanel Miesi i jaho baćka Chorchie Oras Miesi letaś byli pryznanyja vinavatymi ŭ troch vypadkach ŭchileńnia ad vypłaty padatkaŭ.
Pa viersii abvinavačvańnia, futbalist i jaho baćka nie vypłacili padatkaŭ na sumu ŭ 4,1 młn jeŭra. Na sudzie Miesi zajaviŭ, što sam nie rasparadžaŭsia svaimi dachodami, a byŭ zaniaty futbołam.
Lijanel Miesi ličycca adnym ź lepšych futbalistaŭ sučasnaści i źjaŭlajecca samym tytułavanym arhientynskim hulcom u historyi.
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary