U sieradu ŭ Pekinie z novym suśvietnym rekordam na dvuchsotmetroŭcy baterflajem pieramoh 23-hadovy amerykanski płyviec Majkł Fełps. Tym samym atlet uvajšoŭ u historyju Alimpijskaha ruchu. Jašče nichto da jaho nie stanaviŭsia adzinaccacirazovym pieramožcam Hulniaŭ.
17 žniŭnia amerykanski płyviec Majkł Fełps zavajavaŭ svoj vośmy załaty medal pekinskaj Alimpijady. Hetuju ŭznaharodu jon atrymaŭ u składzie estafetnaj kamandy na dystancyi 4ch100 mietraŭ kompleksnym płavańniem.
Fełps pabiŭ rekord svajho suajčyńnika Marka Śpitca, jaki na Alimpijadzie-1972 u Miunchenie vyjhraŭ siem załatych uznaharodaŭ. Sioleta Fełps byŭ najlepšym u spabornictvach 400 m kompleksnym płavańniem, 200 m krolem, 200 m baterflajem, 200 m kompleksnym płavańniem, 100 m baterflajem, a taksama ŭ estafetach 4ch100 i 4ch200 mietraŭ krolem. Pryčym va ŭsich zapłyvach, akramia stometroŭki baterflajem, Fełps pastaviŭ suśvietnyja rekordy!
Ahułam ža za žyćcio 23-hadovy amerykanski płyviec vyjhraŭ 14 załatych alimpijskich uznaharodaŭ.
Tym samym atlet uvajšoŭ u historyju Alimpijskaha ruchu.
Jašče nichto da jaho nie stanaviŭsia 14-razovym pieramožcam Hulniaŭ.A jašče Fełps 17 razoŭ padymaŭsia na najvyšejšuju prystupku pieršynstvaŭ planety, a suśvietnyja rekordy na roznych dystancyjach ustaloŭvaŭ ažno 33 razy. Pra takich spartoŭcaŭ pryniata havaryć «Čałaviek-lehienda».
U basejn Fełps pajšoŭ pa prykładzie svaich starejšych siostraŭ (jon treciaje dzicia ŭ siamji). Jahonyja ŭnikalnyja dadzienyja amal adrazu trapilisia na vočy daśviedčanamu specyjalistu Bobu Boŭmenu, jakomu tolki zastavałasia šlifavać hety talent.
Majkł maje idealnaje dla płyŭca cieła — jon plaskaty i šyroki, nibyta taja ryba kambała.Za heta płyŭca časta tak i nazyvajuć. A jašče jaho nazyvajuć «Amerykanskim delfinam» i «Bałtymorskaj kulaj». Na ciele amerykanca niama ni hramu lišniaha tłušču.
Myšcy taksama nia robiać asabliva ŭražańnia svajoj mahutnaściu. Ale jany nadziva elastyčnyja i chutka ŭznaŭlajucca.Pieršy start Fełpsa na Alimpijadach adbyŭsia ŭ 2000 h. u Sydnei, kali płyŭcu było ŭsiaho 15 hadoŭ. Jon staŭ samym maładym amerykancam, jakomu vypała vyjści na błakitnyja darožki Hulniaŭ za apošnija 68 hadoŭ. Tam padletak nia vyjhraŭ nivodnaha medalu. Ale zdoleŭ uzyści na piataje miesca.
Mnohija dzivilisia, navošta pacan vychodzić u Aŭstralii na try starty ŭ dzień, nia majučy nijakich šancaŭ na pośpiech. «Heta albo idyjot, jaki nie razumieje, što jon robić, albo hienij, jaki maje svoj absalutna nievierahodny plan», – pisali pra Fełpsa viadučyja vydańni śvietu.
I ŭžo praz try hady na čempijanacie śvietu ŭ Barselonie Fełps bliskuča abvierh mierkavańni ŭsich skieptykaŭ. Uradženiec Bałtymoru zavajavaŭ try załatyja medali mundyjalu, vyklikaŭšy pavahu kaleh i specyjalistaŭ.
A jašče jon zapomniŭsia ŭ stalicy Katalonii nieardynarnym učynkam: prajhraŭšy sprečku treneru, staŭ halić hałavu pad nul prosta la borcika basejnu, dastaŭšy stanok, krem, nažnicy, pienku.
Jašče praz hod na Alimpijadzie ŭ Afinach Majkł Fełps vyjhraŭ ažno šeść załatych medaloŭ. U Pekinie – užo vosiem.
U dziacinstvie Majkł pakutavaŭ ad dosyć redkaj chvaroby – parušeńnie raźvićcia. Chłopiec nia moh kancentravać svaju ŭvahu i redka niešta zapaminaŭ, ale heta ŭsio miežavała z hiperaktyŭnaściu.Naprykład, chłopcu prapanoŭvałasia prabiehčy stometroŭku i vyjhrać niejkuju šakaladku ci čupa-čups. Majkł pieramahaŭ usich biez asablivych ciažkaściaŭ, ale całkam zabyvaŭsia na pryz. Zrešty, ciapier Fełps dakładna viedaje dziela čaho jon płavaje.
Fełps mała čym roźnicca ad svaich amerykanskich adnahodkaŭ –truščyć pop-korn, nie zdymaje navušnikaŭ z muzykaj lubimaha Eminema, a na ŭsie starty ciahaje śmiešny talisman u vyhladzie blašanki kanservavanych maluskaŭ. Taki jon, novy spartovy idał čałaviectva.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary