Siońnia va ŭračystaj abstanoŭcy bajavyja mašyny byli pieradadzienyja asabovamu składu 969 bazy reziervu tankaŭ. U mierapryjemstvie brali ŭdzieł ministr abarony hienierał-lejtenant Andrej Raŭkoŭ, pieradaje «VajenTB».
Madernizavany T-72B3 abstalavanyja bolš mahutnym ruchavikom u 1130 konskich sił, a taksama palepšanym kompleksam uzbrajeńnia. Źmieny zakranuli i broń tanka, jakaja ŭzmocniena bartavymi ekranami korpusa z kamplektam zdymnaj modulnaj abarony.
Novy kompleks kiravanaha ŭzbrajeńnia harantuje vysokuju dakładnaść źniščeńnia celi ź miesca i ŭ ruchu na adlehłaści da piaci kiłamietraŭ, a ŭkaranieńnie aŭtamata supravadžeńnia metaŭ spraściła pracu navodčyka pry stralbie z chodu i pa metach u ruchu.
Tank atrymaŭ novuju 125-mm harmatu 2A46M-5 z pavyšanaj žyvučaściu stvała, novuju radyjostancyju UKCH dyjapazonu R-168-25U-2 «Akvieduk», novaje supraćpažarnaje abstalavańnie i novy šmatkanalny pryceł navodčyka «Sasna-U» biełaruskaj vytvorčaści AAT «Pielenh».
Akramia taho, mašynu abstalavali ličbavym balistyčnym vyličalnikam z kamplektam datčykaŭ mieteaŭmoŭ. Jon zabiaśpiečvaje aŭtamatyzacyju pracesu padrychtoŭki strełu i značna pavyšaje dakładnaść stralby.
Pieršy surjozny ekzamien uzory projduć u žniŭni padčas praviadzieńnia spabornictvaŭ pa tankavym bijatłonie.
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary