Сёння ва ўрачыстай абстаноўцы баявыя машыны былі перададзеныя асабоваму складу 969 базы рэзерву танкаў. У мерапрыемстве бралі ўдзел міністр абароны генерал-лейтэнант Андрэй Раўкоў, перадае «ВаенТБ».
Мадэрнізаваны Т-72Б3 абсталяваныя больш магутным рухавіком у 1130 конскіх сіл, а таксама палепшаным комплексам узбраення. Змены закранулі і бронь танка, якая ўзмоцнена бартавымі экранамі корпуса з камплектам здымнай модульнай абароны.
Новы комплекс кіраванага ўзбраення гарантуе высокую дакладнасць знішчэння цэлі з месца і ў руху на адлегласці да пяці кіламетраў, а ўкараненне аўтамата суправаджэння мэтаў спрасціла працу наводчыка пры стральбе з ходу і па мэтах у руху.
Танк атрымаў новую 125-мм гармату 2А46М-5 з павышанай жывучасцю ствала, новую радыёстанцыю УКХ дыяпазону Р-168-25У-2 «Акведук», новае супрацьпажарнае абсталяванне і новы шматканальны прыцэл наводчыка «Сасна-У» беларускай вытворчасці ААТ «Пеленг».
Акрамя таго, машыну абсталявалі лічбавым балістычным вылічальнікам з камплектам датчыкаў метэаўмоў. Ён забяспечвае аўтаматызацыю працэсу падрыхтоўкі стрэлу і значна павышае дакладнасць стральбы.
Першы сур'ёзны экзамен узоры пройдуць у жніўні падчас правядзення спаборніцтваў па танкавым біятлоне.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары