U Ministerstvie ekanamičnaha raźvićcia RF padličyli, što realny rost piensij u Rasii ŭ bližejšyja 20 hadoŭ budzie nulavym. Pry hetym dachody rasiejcaŭ zmohuć viarnucca da dakryzisnaha ŭzroŭniu tolki da 2022 hoda. Pra heta havorycca ŭ prahnozie ministerstva, ź jakim aznajomilisia «Viedamaści».
U dakumiencie havorycca, što ŭłady źbirajucca pavyšać temp rostu ekanomiki za košt pavieličeńnia kolkaści zaniatych, inviestycyjnaj aktyŭnaści i pradukcyjnaści pracy. Jak adznačajecca ŭ prahnozie, rost zaniataści moža być dasiahnuty ŭ pryvatnaści pavyšeńniem piensijnaha vieku - da 65 hadoŭ u mužčyn i da 63 u žančyn. Kali reformu nie pravieści, to lik piensijanieraŭ u krainie da 2017 hoda pavialičycca na 5,4 młn čałaviek, pry hetym kolkaść zaniatych rasiejcaŭ skarocicca na 3,2 młn, śćviardžajuć u ministerstvie.
Pavyšeńnie piensijnaha vieku, u svaju čarhu, budzie supravadžacca rezkim padzieńniem uzroŭniu piensij. Ich padzieńnie, u adnosinach da zarabotnaj płaty, składzie 13%.
Usie hetyja miery pavinny pryvieści da taho, što inviestycyi buduć raści ŭ 1,5-2 razy chutčej za ekanomiku, rost jakoj, u svaju čarhu, pavinien dasiahnuć 3,5% da 2026 hoda. Pry hetym zarobki ŭ bližejšyja dva dziesiacihodździ taksama buduć adstavać ad rostu ekanomiki, padličyli ŭ ministerstvie.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie6
Kamientary