U Minsku pjany kiroŭca ździejśniŭ sieryju DTZ, zahinuła pasažyrka adnaho z aŭtamabilaŭ, paviedamiŭ karespandentu BiełTA načalnik adździeła pa ahitacyi i prapahandzie UDAI HUUS Minharvykankama Siarhiej Zaranik.
Siońnia ŭ 8.24 u DAI pastupiła paviedamleńnie ab tym, što ŭ kramu na bulvary Šaŭčenki zajšoŭ pjany mužčyna, jaki pryjechaŭ tudy na aŭtamabili. Litaralna praź niekalki chvilin kiroŭca vyjšaŭ z kramy, sieŭ u aŭtamabil «Nisan Prymiera» i praciahnuŭ ruch u bok vuł. Charužaj. Na skryžavańni z vuł. Čarviakova jon ździejśniŭ sutyknieńnie.
Vadziciel «Pantyjaka», jaki paciarpieŭ u hetym DTZ, adrazu zrabiŭ vysnovu, što kiroŭca «Nisana» pjany, i skazaŭ jamu pra heta. Toj vyrašyŭ schavacca ź miesca zdareńnia. Da hetaha momantu padjechała mašyna DAI, apieratyŭna adreahavaŭšy na sihnał pilnaha hramadzianina.
Pačaŭsia pieraśled parušalnika pa vuł. Čarviakova ŭ kirunku vuł. Arłoŭskaj. Na skryžavańni z vuł. Słuckaj «Nisan» sutyknuŭsia z aŭtamabilem «BMV», što ruchaŭsia ŭ spadarožnym napramku.
Pjany kiroŭca nie daŭ rady kiravańniu, vyjechaŭ na pałasu sustrečnaha ruchu i ŭrezaŭsia ŭ dreva. Pasažyrka «Nisana», 1977 hoda naradžeńnia, pamierła na miescy zdareńnia. Sam ža vinoŭnik trahiedyi, 1987 hoda naradžeńnia, atrymaŭ lohkija cialesnyja paškodžańni.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary