Delfi.lt
Pa słovach pradstaŭnikoŭ haradskoha samakiravańnia, heta najmacniejšaja zaleva ŭ litoŭskaj stalicy z 1993 hoda. Da 12:00 u horadzie zafiksavana 60 avaryjnych situacyj.
«Spaźnieńni (hramadskaha transpartu), biez sumnievu, ranicaj mieli miesca, darožny ruch maksimalna adnoŭleny, hrafiki adnaŭlajucca. Ale nichto nie moža prahnazavać, što budzie siońnia paśla abiedu», — skazaŭ žurnalistam dyrektar Departamienta haradskoha haspadarki i transpartu Vilenskaha samakiravańnia Virhinijus Paŭža.
Pavodle jaho słoŭ, abjaznaja daroha zatoplenaja z-za taho, što zabiłasia sistema vadaściokaŭ, śpiecyjalisty likvidujuć avaryju. Z-za małanak nie pracavali śviatłafory na 15 skryžavańniach horada. Z ranicy ŭ horadzie vypała 48 milimietraŭ apadkaŭ. «Padobnaja kolkaść apadkaŭ vypadała tolki ŭ 1993 hodzie. Situacyja na samaj spravie nie šarahovaja», — skazaŭ jon.
Zaleva siońnia prajšłasia nad paŭnočna-zachodnimi rajonami Biełarusi.