Udzień 30 červienia na volu vyjšaŭ apošni źniavoleny fihurant «spravy patryjotaŭ», kolišni kiraŭnik «Biełaha lehijona» Mirasłaŭ Łazoŭski.
Jaho vyzvaleńnia čakali kala SIZA na Vaładarskaha, ale jaho advieźli dachaty.
Mirasłaŭ raspavioŭ, što abvinavačvańnie pa artykule 287 zastałosia, jon zastajecca pad padpiskaj ab niavyjeździe.
Jon zajmaŭsia sportam u SIZA, čytaŭ šmat knih. Kaža, što budzie papraŭlać zdaroŭje.
«Płany ažanicca sa Śviatłanaj zastalisia», — śmiajecca jon. Padčas źniavoleńnia jon zrabiŭ prapanovu niavieście.
Łazoŭski adznačaje, što pastajanna adčuvaŭ padtrymku z voli. «Dziakuj usim. Było vielmi šmat listoŭ».
Toje, što čatyry hadziny ničoha nie było viadoma, Mirasłaŭ Łazoŭski prakamientavaŭ tym, što pa vyzvaleńni jaho advieźli ŭ Śledčy kamitet, dzie addavali rečy.
Nahadajem, što zatrymańni pačalisia paśla zajavy Alaksandra Łukašenki 21 sakavika, što zatrymali ŭ Biełarusi «zatrymali dziasiatki bajevikoŭ», jakija «treniravalisia ŭ łahierach sa zbrojaj». Ciaham niekalki dzion stała viadoma pra 35 zatrymanych. Spačatku paviedamlałasia, što sprava viadziecca ab «padrychtoŭcy masavych biesparadkaŭ» (č. 3 art. 293 KK), paźniej źjaviłasia abvinavačańnie ŭ «stvareńni niezakonnaha ŭzbrojenaha farmavańnia i ŭdziele ŭ im» (art. 287 KK).
U červieni sprava była pieradadzienaja ŭ jurysdykcyju SK.
Ciaham času ich pastupova vyzvalali. U aŭtorak byli vypuščanyja try čałavieki, u sieradu i čaćvier pa piać.
Siońnia staršynia SK Ivan Naskievič zajaviŭ, što da kanca dnia ŭsie zatrymanyja vyjduć na volu.
.
-
«Premija naležyć usim biełarusam, jakija praciahvajuć zmahacca». Cichanoŭskaja ŭznaharodžanaja niamieckaj premijaj, jakuju atrymlivaŭ Havieł
-
Ministerstva ŽKH nahadała, što nielha prychodzić z sabakami tudy, kudy lubić chadzić z Umkam Łukašenka
-
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary