«Naša Niva» pisała raniej pra Vadzima, jaki razam z baćkam adčyniŭ kramu «Darečy», što śpiecyjalizujecca na rečach u nacyjanalnym styli.
NN pacikaviłasia, jak ciapier iduć jaho spravy. Što novaha ŭ «Darečy»?
«Chutka źjaviacca vyšymajki z sapraŭdnaj vyšyŭkaj, šmat pradukcyi LSTR u kramie, vialiki vybar zaplečnikaŭ i ilnianych torbaŭ, vyšyvanak. My zapuścili svoj biełaruski bukkrosinh, pravodzim zaraz rozyhryšy, tamu raim sačyć za supołkami», — kaža Vadzim.
Taksama ŭ lipieni jaho krama ŭ minskim handlovym centry «Siłuet» prapanuje šerah źnižak.
«Naprykład, vokładki dla pašpartoŭ u nacyjanalnym styli kaštujuć 15 rubloŭ, cišotki z Pahoniaj i arnamientam — 20 rubloŭ.
A vialikija pamiery tych ža cišotak (mužčynskija XXL i XXXL; na žanočy pamier: XL) prapanujucca za 15 rub.
Tańniej čym zvyčajna iduć biejsbołki, šapki dla łaźni, mahnity na ladoŭniu. A biełaruskija stužki razdajom u našaj kramcy prosta tak», — adznačaje 20-hadovy pradprymalnik.
Kamientary