U pytańni śmiarotnaha pakarańnia Biełaruś nie moža pajści suprać voli naroda, zajaviŭ Alaksandr Łukašenka na plenarnym pasiadžeńni 26-j štohadovaj siesii Parłamienckaj asamblei ABSIE ŭ Minsku, paviedamlaje BiełTA.
— Nas zaklikajuć da admieny śmiarotnaha pakarańnia. My hetyja prapanovy čujem, i nie tolki čujem. Ale suprać voli naroda, pieravažnaja častka jakoha na refierendumie vykazałasia za jaho zachavańnie, ni adna dziaržava pajści nie moža. Ni adna cyvilizavanaja jeŭrapiejskaja dziaržava.
Prezident nahadaŭ, što adpaviednyja pretenzii pradjaŭlalisia da Biełarusi jašče na pačatku jaje niezaležnaści.
— My jak maładaja suvierennaja dziaržava prysłuchalisia da vašych paradaŭ — vynieśli hetaje pytańnie na refierendum i atrymali vynik. Zaraz, kab ad hetaha admovicca, patrebien čas. Tamu vy, kali łaska, nas nie pryśpiešvajcie. My viedajem, što heta takoje i jakija vašyja patrabavańni. Upeŭnieny, što my pastupova pryjdziem da rašeńnia hetaj prablemy.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam21
Kamientary