Pieramožcam 28-ha fiestyvala maładoj biełaruskaj muzyki, jaki prachodziŭ u Haradku (Polšča) nazvany mienski art-rok-hurt Teleport. U konkursie jon abyšoŭ hurty BarRokka, Leibonik i SnopSnoǔ.
Teleport byŭ zasnavany ŭ 2012 hodzie. U 2015 hodzie hurt vydaŭ debiutny albom «Maŭkliva» ź pieśniami na biełaruskaj i anhlijskaj movach, nad jakim pracavaŭ paŭtara hoda. Muzyki natchnialisia pieśniami The Beatles, Hary Niłsana, Queen i The Beach Boys. Ekśpierty acanili płytku ŭ 6,75 bała z 10, adznačyŭšy śmiełaść i navatarstva, raznastajnaść i składanaść muzyki, ale taksama jaje chałodnaść i addalenaść. Majsterynham kružełki zajmaŭsia brytanski hukarežysior Styŭ Kitč.
Hurt byŭ nazvany «Debiutam hoda» na premii «Dajom rady-2015», nazyvaŭsia ŭ topie zamiežnych ekśpiertaŭ premii Experty.by, byŭ u šort-listcie premii «Hieroi hoda — 2015» i naminavaŭsia na «Debiut hodu» ŭ premii Rock Profi.
U 2016 hodzie hurt źmianiŭ skład. Na siońnia lidaram jaho vystupaje Jaŭhien Ciarenćjeŭ. Jon jak solny vykanaŭca ŭ 2015 hodzie ŭvajšoŭ u trojku pryzioraŭ konkursu «Zaśpiavaŭ 2.0». U abnoŭlenym składzie hurt uziaŭ udzieł u šoŭkiejs-fiestyvalach u Talinie, Vilni i Hamburhu.
