Prezident Polščy Andžej Duda padpisaŭ papraŭki ŭ zakon ab zabaronie prapahandy kamunizmu, havorycca ŭ paviedamleńni na sajcie kiraŭnika dziaržavy. Papraŭki praduhledžvajuć demantaž pomnikaŭ i pierajmienavańnie abjektaŭ, źviazanych z kamunistyčnym minułym.
Zhodna z polskim zakanadaŭstvam, dakumient ustupić u siłu praz try miesiacy z daty padpisańnia.
Papraŭki ŭ zakon ab zabaronie prapahandy kamunizmu ŭ kancy červienia byli pryniatyja Sojmam Polščy. Pavodle hetych papravak, miascovyja ŭłady atrymajuć prava vynosić rašeńnie ab demantažy pomnikaŭ pieryjadu kamunizmu. U toj ža čas, piša vydańnie wPolityce, pad ich dziejańnie nie padpadajuć pomniki, nie pryznačanyja dla «dla publičnaha prahladu» i raźmieščanyja na mohiłkach. Taksama ź śfiery dziejańnia zakona byli vyklučany abjekty, jakija majuć adukacyjnuju abo kulturnuju značnaść.
Dakumient pašyraje pole dziejańnia zakona ab zabaronie kamunistyčnaj prapahandy, jaki byŭ pryniaty ŭ Polščy viasnoj minułaha hoda. Jak paviedamlała «Radyjo Polšča», tady ŭ Siejmie naličyli paradku 1300 nazvaŭ vulic u polskich haradach, jakija byli źviazany z kamunizmam. Siarod inšych, u ich liku byli vulicy, nazvanyja ŭ honar Fieliksa Dziaržynskaha i Čyrvonaj Armii. U toj ža čas, u pieršapačatkovaj viersii zakona nie rehulavaŭsia pytańnie ab demantažy pomnikaŭ i miemaryjalnych tabličak pieryjadu kamunizmu.
Łukašenka anansavaŭ vyzvaleńnie ciažkachvorych palitviaźniaŭ1
Kamientary