Dvuchpartyjnaja hrupa ŭ Pałacie pradstaŭnikoŭ ZŠA i Sienacie pieraadoleli supiarečnaści ŭ zakonaprajekcie pa sankcyjach suprać Rasiei, paviedamlaje Associated Press sa spasyłkaj na kanhresmienaŭ.
Demakrat Styni Chojer skazaŭ, što zakanadaŭcy ŭrehulavali ŭsie sprečnyja pytańni pa hetym zakonaprajekcie. Jon taksama ŭklučaje ŭ siabie žorstkija ekanamičnyja miery suprać Irana i Paŭnočnaj Karei. Pałata pradstaŭnikoŭ pavinna prahałasavać 25 lipienia.
U tekście dakumienta havorycca, što ZŠA buduć praciahvać «vystupać suprać trubapravoda Nord Stream-2, z-za jaho škodnaha ŭździejańnia na enierhietyčnuju biaśpieku Jeŭrapiejskaha sajuza, raźvićcio hazavaha rynku ŭ Centralnaj i Uschodniaj Jeŭropie i na enierhietyčnyja reformy va Ukrainie».
Zakonaprajekt, jaki apublikavany na sajcie Kanhresu, unieśli členy demakratyčnaj partyi 12 lipienia. Jon nie adroźnivajecca ad taho, jaki padtrymaŭ Sienat ŭ siaredzinie červienia. Adnak pryniaty ŭ minułym miesiacy dakumient nie pajšoŭ dalej na hałasavańnie ŭ Pałatu pradstaŭnikoŭ z-za pracedurnych roznahałośsiaŭ.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam9
Kamientary