U asnovie raspracoŭki lažyć daśledavańnie, jakoje prachodziła va ŭniviersitetach čatyroch bujnych finskich haradoŭ z 1994 hoda. Na hety momant vakcyna paśpiachova prajšła vyprabavańni na myšach, i navukoŭcy z Vactech rychtujucca da poŭnamaštabnaha daśledavańnia z udziełam ludziej, jakoje budzie doŭžycca ad 2 da 4 hadoŭ.
Kali efiektyŭnaść novaha srodka budzie dakazanaja, to aŭtary atrymajuć licenziju na jaho prodaž, na što taksama sydzie niamała času. Navat pry samym udałym źbiehu abstavinaŭ vychad na rynak zojmie bolš za 8 hadoŭ. Akramia taho, kiraŭnictva Vactech zaklučyła pahadnieńnie ab supracoŭnictvie z amierykanskaj kampanijaj Provention Bio z metaj dadatkovaha finansavańnia i paskareńnia pracy nad lekami.
Sama vakcyna budzie abaraniać čałavieka ad peŭnych infiekcyj, vyklikanych niekatorymi enteravirusami. Mienavita z-za ich, pa słovach navukoŭcaŭ, i raźvivajecca šerah paražeńniaŭ, jakija pryvodziać da raźvićcia cukroŭki. Takim čynam, možna damahčysia taho, što vialikaja kolkaść čałaviek nie atrymaje hetaha zachvorvańnia ŭ budučyni.
