U Aŭstralii — skandał vakoł modnaha pakazu kupalnikaŭ «plus sajz»
U Aŭstralii razharelisia lutyja debaty z nahody źjaŭleńnia na modnym pakazie, arhanizavanym časopisam Sports Illustrated, adnačasova standartnych dziaŭčat-madelaŭ i madelaŭ «plus sajz». U časie pakazu i chudyja, i poŭnyja madeli demanstravali kupalniki.
U sidnejskaj haziecie Daily Telegraph źjaviŭsia artykuł, aŭtar jakoj krytykavaŭ źjaŭleńnie na podyumie poŭnych madelaŭ, nazvaŭšy biezadkaznym rašeńnie ich zaprasić. Ekśpiert-miedyk, ź jakim pahavaryŭ žurnalist, zajaviŭ, što takija madeli rekłamujuć niebiaśpiečny dla zdaroŭja ład žyćcia.
Inšyja ekśpierty, jakija vykazalisia dla artykuła, ličać, što ŭ modnych pakazach mohuć udzielničać dziaŭčyny luboha ciełaskładu.
Sprečki pačalisia paśla repliki kałumnista Saraji Fuda: «Kali modnaja industryja vyrašyć spynić vykarystoŭvać madelaŭ, jakija zhaładalisia da stanu «skura i kostki», joj i ŭ hetym vypadku nie varta addavać pieravahu niezdarovamu ciełaskładu inšaha typu».
Redaktar Sports Illustrated Em Džej Dej adkazaŭ, što «pryhažość nie značyć, što ŭsie pavinny być adnaho pamieru».
U sprečku ŭstupili i lekary. Prezident aŭstralijskaj miedycynskaj asacyjacyi Novaha Paŭdniovaha Uelsa Bred Frenk paraŭnaŭ paŭnatu z kureńniem: «Kali b madel prajšłasia pa podyŭmie z cyharetaj, heta byŭ by vielmi niezdarovy znak. I toje samaje: kali vielmi poŭnyja madeli abo madeli z atłuścieńniem demanstrujuć adzieńnie, heta značyć, što my vitajem atłuścieńnie. Heta vielmi niebiaśpiečna».
Na dumku Frenkama, niekatoryja madeli na pakazie Sports Illustrated pakutavali na atłuścieńnie.
Kiraŭnik daśledčaha centra atłuścieńnia prafiesar Džon Dyksan, u svaju čarhu, ličyć, što madeli pavinny pradstaŭlać hramadstva, a značyć, jany mohuć być luboha pamieru.
«28% aŭstralijcaŭ pakutujuć ad zališniaj vahi. I heta vielmi abraźlivaja zajava, što poŭnym ludziam nie miesca na podyumie», — zajaviŭ jon.
Kamientary