Biełarusy ŭ internecie čaściej za ŭsio šukajuć infarmacyju. Pra heta śviedčać dadzienyja zbornika «Sacyjalnaje stanovišča i ŭzrovień žyćcia nasielnictva Respubliki Biełaruś», jaki apublikavany na sajcie Nacyjanalnaha statystyčnaha kamiteta, paviedamlaje BIEŁTA.
Pavodle daśledavańniaŭ, u 2016 hodzie 92,6% karystalnikaŭ va ŭzroście ad 6 da 72 hadoŭ źviartalisia da internetu dla pošuku infarmacyi, 79,8% — dla prahladu i zapampoŭki filmaŭ, muzyki. Kamunikacyja ŭ sacyjalnych sietkach była metaj 74,7% biełarusaŭ, adpraŭka i atrymańnie elektronnaj pošty, pieramovy — 52,8%, viadzieńnie finansavych apieracyj — 46,9%. Kuplajuć tavary i atrymlivajuć pasłuhi anłajn 28,6% karystalnikaŭ. U metach adukacyi ŭ internet vychodziać 23,2% karystalnikaŭ, dla ŭzajemadziejańnia z orhanami dziaržkiravańnia — 13%.
Dzieci ad 6 da 15 hadoŭ, siedziačy ŭ internecie, čaściej za ŭsio hulajuć u kampjutarnyja hulni, u toj čas jak mužčyny i žančyny ad 16 da 72 hadoŭ addajuć pieravahu pošuku infarmacyi. Pry hetym 43, 8% karystalnikaŭ całkam zadavolenyja jakaściu intrernet-pasłuh.
Pieravažnaja kolkaść biełarusaŭ (93,5%) vychodziać u internet doma, 27,7% — u svajakoŭ i znajomych, 19,1% — na pracy, 9,8% — u kampjutarnym kłubie abo internet-kafe. Pry hetym u lubym ź miescaŭ bolš za pałovu karystalnikaŭ vykarystoŭvajuć pasłuhi sotavaj ruchomaj elektrasuviazi.
Usiaho ŭ Biełarusi naličvajecca zvyš za 11 młn internet-abanientaŭ. Dostup da hłabalnaj sietki jość u 71,1% nasielnictva. Štodnia internetam karystajucca 68,3% biełarusaŭ, nie mienš za adzin raz na tydzień — 16,2%, zredku ŭ internet vychodziać 15,5% biełarusaŭ.
Łukašenka niervova prakamientavaŭ vizit Cichanoŭskaj u Kijeŭ45
Kamientary