Biełaruski biznes sutykajecca z prablemami ŭ pastaŭkach u Rasiju napiaredadni zapusku sistemy paćviardžeńnia čakańnia tavaraŭ (SPČT), piša Office Life.
Na hetym tydni Minfin Rasii paćvierdziŭ, što novaja sistema zapuścicca z 1 červienia.
Pa infarmacyi staršyni Kaardynacyjnaj rady Respublikanskaj kanfiederacyi pradprymalnictva Andreja Kapytki, biełaruskija eksparciory ŭžo atrymlivajuć admovy ad pradstaŭnikoŭ biznesu Rasii, ź jakimi majuć kantrakty ŭ ramkach dziejnaści novaj sistemy.
«Adnym z asnoŭnych punktaŭ SPČT dla atrymańnia QR-koda ŭvozu tavaru ź Biełarusi ŭ Rasiju źjaŭlajecca ŭniasieńnie zabiaśpiečvalnaha płaciažu. I zaraz rasijski biznes admaŭlajecca jaho ŭnosić, matyvujučy tym, što vyhadniej nabyć taki tavar na terytoryi Rasii, — raspavioŭ Andrej Kapytok. — Na prapanovu biełaruskaha boku vyličvać roźnicu za novyja pastaŭki ci pastaŭleny tavar baki pakul nie znachodziać kansensusu».
Meta novaŭviadzieńnia — baraćba z «šerymi» schiemami. Pa novych praviłach rasijskija imparciory buduć abaviazany nie paźniej čym za dva dni da ŭvozu hruzaŭ pradstavić dakumient ab budučaj pastaŭcy praź infarmacyjnuju sistemu FNS, vypłacić zabiaśpiečvalny płaciož sumaj, roŭnaj vieličyni PDV (akcyzaŭ), atrymać QR-kod i pieradać jaho pieravozčyku.
Kamientary
Tam vsio čieriez sieryje schiemy !