Pjanyja kiroŭca i pasažyr mohuć stać fihurantami kryminalnaj spravy paśla kanfliktu ŭ punkcie propusku «Bierastavica», paviedamlaje BiełTA sa spasyłkaj na pradstaŭnika pa suviaziach z hramadskaściu Hrodzienskaj rehijanalnaj mytni Julija Ramaniuk.
Žychary Zelvy chacieli pryvieźci z Polščy na lehkaviku šynu da matacykła. Ale pa praviłach heta moža rabić biazmytna tolki ŭłaśnik matacykła. Tamu kiroŭcu z šynaj nie prapuskali.
U vyniku adzin z pasažyraŭ napisaŭ u knihu zaŭvah i prapanoŭ skarhu, abvinavaciŭšy mytnika ŭ vymahalnictvie chabaru. Na pamiežny pierachod pryjechali milicyjanty, jakija vyznačyli, što kiroŭca i pasažyr znachodziacca napadpitku. U vyniku ŭ kiroŭcy adbiaruć pravy.
Aproč taho, była praviedziena pravierka — ci prasiŭ mytnik chabar. Zapis ź jaho piersanalnaha videarehistratara i kamier nazirańnia nie paćvierdzili abvinačvačańnie.
U prakuraturu Hrodzienskaj vobłaści nakiravany materyjały pa fakcie paklopu ŭ adras słužbovaj asoby. Za raspaŭsiud zaviedama niepraŭdzivych źviestak, źviazanych z abvinavačvańniem u ździajśnieńni ciažkaha ci asabliva ciažkaha złačynstva, praduhledžana kryminalnaja adkaznaść, u tym liku abmiežavańnie voli terminam da troch hadoŭ.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary