Siarod materyjałaŭ — artykuły «Staŭleńnie žycharoŭ VKŁ da maskoŭskaha vojska ŭ 1654 h.», «Etnakanfesijnyja stereatypy ŭ sučasnaj vioscy», «Biełaruski lehijon SS».
U apošnim artykule na padstavie niamieckich archiŭnych dakumentaŭ Jury Hryboŭski — jon ciapier u Varšaŭskim universytecie — pakazvaje, što h.zv. Navahradzki konny švadron Rahuli nia byŭ niezaležnym, nia mieŭ funkcyj samaachovy, a źjaŭlaŭsia zvyčajnym 68‑m palavym bataljonam SS, farmavańnie jakoha pačałosia tolki ŭ lutym 1944 h.
Sapraŭdy, u niamieckich dakumentach jon časam fihuruje jak palicejski bataljon Rahuli, što pa pieršym časie składaŭsia z rekrutaŭ nastaŭnickaj seminaryi — heta i paspryjała ŭstalavańniu na emihracyi, a potym i biełaruskaj histaryjahrafii ŭdałaha mifu pra jaho niezaležnaść ad niemcaŭ.
Uvahi ŭ numary zasłuhoŭvajuć taksama recenzija Stanisłava Rudoviča na pieravydańnie knihi Jurja Turonka «Vacłaŭ Ivanoŭski i adradžeńnie Biełarusi». Aŭtar recenzii, daśledčyk biełaruskaha hramadkaha žyćcia pačatku XX st. śćviardžaje, što Ivanoŭski nie ciahnie na postać №1 u biełaruskim ruchu pieršaj pałovy XX st.
Źmieščana taksama recenzija Natalli Hardzijenki «Płahijat i prafanacyja historyi biełaruskaj emihracyi» na padručnik, padrychtavany na fakultecie mižnarodnych adnosin BDU.
Biełaruski histaryčny ahlad. tom 14. Sšytak 1‑2 (26‑27). Śniežań 2007.
Šukajcie ŭ niezaležnych raspaŭsiudnikaŭ dy Akademknizie.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary