Parłamient Katałonii ŭchvaliŭ zakon ab refierendumie ab niezaležnaści
Parłamient Katałonii paśla 11 hadzin debataŭ uchvaliŭ zakon ab refierendumie ab niezaležnaści, jaki pavinien prajści 1 kastryčnika.
Za zakon, jaki rehłamientuje paradak adździaleńnia hetaha rehijonu ad astatniaj Ispanii, prahałasavali 72 deputaty, 11 ustrymalisia. Pradstaŭniki Sacyjalistyčnaj partyi Katałonii i Narodnaj partyi pakinuli zału pierad hałasavańniem.
Urad Ispanii źviarnuŭsia ŭ Kanstytucyjny sud. Madryd zaklikaje sud nie tolki admianić rašeńnie Barsiełony, ale i pryciahnuć da kryminalnaj adkaznaści sieparatystaŭ. Kanstytucyja Ispanii nie dapuskaje padzieł krainy.
Padčas refierendumu žycharam hetaj ispanskaj pravincyi zadaduć pytańnie ab tym, ci žadajuć jany, kab Katałonija stała niezaležnaj dziaržavaj z respublikanskaj formaj praŭleńnia.
Pa dadzienych Reuters, kolkaść prychilnikaŭ niezaležnaści Katałonii źnižajecca pa miery palapšeńnia ekanamičnaj situacyi ŭ Ispanii, adnak bolšaść katałoncaŭ chočuć mieć mahčymaść prahałasavać pa hetym pytańni.
Minuły refierendum ab niezaležnaści prajšoŭ u Katałonii ŭ listapadzie 2014 hoda. Kanstytucyjny sud Ispanii abaviazaŭ Katałoniju admianić hałasavańnie, tamu refierendum zrabili niefarmalnym. Tym nie mienš, na im bolš za 80 adsotkaŭ prahałasavali za adździaleńnie ad Ispanii.
Čytajcie taksama:
Sioleta ŭ Jeŭropie moža źjavicca novaja dziaržava. Jakoj jana budzie?
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki20
Kamientary