Парламент Каталоніі пасля 11 гадзін дэбатаў ухваліў закон аб рэферэндуме аб незалежнасці, які павінен прайсці 1 кастрычніка.
За закон, які рэгламентуе парадак аддзялення гэтага рэгіёну ад астатняй Іспаніі, прагаласавалі 72 дэпутаты, 11 устрымаліся. Прадстаўнікі Сацыялістычнай партыі Каталоніі і Народнай партыі пакінулі залу перад галасаваннем.
Урад Іспаніі звярнуўся ў Канстытуцыйны суд. Мадрыд заклікае суд не толькі адмяніць рашэнне Барселоны, але і прыцягнуць да крымінальнай адказнасці сепаратыстаў. Канстытуцыя Іспаніі не дапускае падзел краіны.
Падчас рэферэндуму жыхарам гэтай іспанскай правінцыі зададуць пытанне аб тым, ці жадаюць яны, каб Каталонія стала незалежнай дзяржавай з рэспубліканскай формай праўлення.
Па дадзеных Reuters, колькасць прыхільнікаў незалежнасці Каталоніі зніжаецца па меры паляпшэння эканамічнай сітуацыі ў Іспаніі, аднак большасць каталонцаў хочуць мець магчымасць прагаласаваць па гэтым пытанні.
Мінулы рэферэндум аб незалежнасці прайшоў у Каталоніі ў лістападзе 2014 года. Канстытуцыйны суд Іспаніі абавязаў Каталонію адмяніць галасаванне, таму рэферэндум зрабілі нефармальным. Тым не менш, на ім больш за 80 адсоткаў прагаласавалі за аддзяленне ад Іспаніі.
Чытайце таксама:
Сёлета ў Еўропе можа з'явіцца новая дзяржава. Якой яна будзе?
-
У Іране ўзламалі спадарожнікавае вяшчанне дзяржаўных тэлеканалаў — Рэза Пехлеві заклікаў зрынуць рэжым аятол ВІДЭА
-
У Рызе выявілі групу расейскіх інфарматараў з ліку грамадзян Латвіі, два з іх паспелі з'ехаць у Беларусь
-
Трамп заявіў, што больш не абавязаны думаць пра мір, бо яму не ўручылі Нобелеўскую прэмію міру
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША26
Каментары