«Dzieciuki» zaprašajuć na «Partyzan-rok» u Biełastok, vizy — biaspłatnyja
28 kastryčnika ŭ Biełastoku, u Ladovym pałacy, adbudziecca vialikaja muzyčnaja padzieja — fest «Partyzan-rok».
Pieršy taki fiestyval prajšoŭ u Varšavie ŭ 2016-m, u im brali ŭdzieł Brutto, «Krambambula», «Dzieciuki».
Sioleta arhanizatary pašyrajuć ramki fiestyvalu, płanujučy pryciahnuć udvaja bolš hledačoŭ.
Tamu i była abranaja najbolšaja placoŭka ŭ najbližejšym da Biełarusi polskim horadzie. Biełastocki ladovy pałac źmiaščaje bolš jak try tysiačy hledačoŭ.
Biełaruś na feście pradstaviać «Dzieciuki»— - vybitny fołk-pank kalektyŭ z Hrodna.
Teksty ich piesień adsyłajuć da histaryčnych padziej. Hieroi piesień - heta i Kastuś Kalinoŭski, i Tadevuš Kaściuška, i Stanisłaŭ Aŭhust Paniatoŭski, i Bułak-Bałachovič. Temy, jakija zakranajucca ŭ pieśniach, aktualnyja i na siońniašni dzień, choć apisvajuć padziei šmathadovaj daŭniny.
Taksama partyzanski muzyčny atrad budzie papoŭnieny ŭkrainskim hurtom «Hajdamaki», a z boku Polščy dałučycca bieskampramisny «Kult» na čale ź jaho niaźmiennym lidaram — Kazikam Stašeŭskim.
Kult byŭ utvorany ŭ 1982 hodzie ŭ Varšavie. Asnovu ich muzyki składaje pank z elemientami roku, ska, džazu, tradycyjnaj bałady i rehi. Z samaha pačatku hrupa była imhnienna viadomaj hukam, hołasam i pravakacyjnymi tekstami vakalista Kazika Stašeŭskaha.
Ich pieśni skiravanyja suprać «sistemy» — ci to heta aparat kamunistyčnaj ułady, ci to carkoŭnyja instytuty, ci to psieŭdademakratyčnyja lidary, ci to karparacyi, jakija razburajuć śviadomaść i vychoŭvajuć u ludziach prahu nažyvy, ehaizm i biazdušnaść.
Haidamaki — ukrainskaja muzyčnaja farmacyja, jarkija pradstaŭniki sučasnaj rock & world music kultury. Ich muzyka - sintez sučasnaha roku, dabu, panku, ska, zamiašanaha na ŭkrainskim falkłory i bałkanskich matyvach.
Kvitki na «Partyzan-rok» možna nabyć u kasach horada i praź sistemu kvitki.by.
Tancplac - 60 rub.
Trybuny - 65 rub.
Usim hladačam kancertu Pasolstva Polščy ŭ Biełarusi daje biaspłatnyja hadavyja vizy pry najaŭnaści kvitka.
Padrabiaznaści — na sajcie muztur.by ci pa telefonie +375 25 526 84 14.
Kamientary