Prakuratura Bresckaj vobłaści spyniła vytvorčaść pa kryminalnaj spravie ŭ dačynieńni da eks-staršyni Kamianieckaha rajvykankama Andreja Pisaryka, jaki abvinavačvaŭsia ŭ pieravyšeńni i złoŭžyvańni słužbovymi paŭnamoctvami.
Ukazam kiraŭnika krainy Pisaryk byŭ vyzvaleny ad kryminalnaj adkaznaści, paviedamlaje tut.by.
Jak vyśvietlili śledčyja, były čynoŭnik sa śniežnia 2009-ha pa 16 śniežnia 2015 hoda davaŭ ŭkazańni kiraŭnikam šerahu subjektaŭ haspadarańnia Kamianieckaha rajona ab pradastaŭleńni jamu na biazvypłatnaj asnovie materyjalnych kaštoŭnaściaŭ i pasłuh. Svaimi dziejańniami jon pryčyniŭ škodu na sumu krychu bolš za 4 tysiačy rubloŭ. Taksama Pisaryk vykarystoŭvaŭ słužbovyja aŭto ŭ pryvatnych metach (škodu acanili ŭ 3030 rubloŭ).
Čynoŭniku pahražała ad 3 da 10 hadoŭ z kanfiskacyjaj majomaści albo bieź jaje.
U chodzie rasśledavańnia Andrej Pisaryk całkam pryznaŭ svaju vinu, kampiensavaŭ pryčynienuju škodu ŭ poŭnym abjomie i źviarnuŭsia z prašeńniem ab pamiłavańni.
Pa prapanovie Kamisii pa pytańniach pamiłavańnia pry Administracyi prezidenta Andrej Pisaryk unios dobraachvotny ŭniosak u dachod dziaržavy ŭ pamiery 14 171 rubl.
U vyniku, heta spracavała — Łukašenka vyrašyŭ «vyratavać» čynoŭnika.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary