Jak stała viadoma «Našaj Nivie», ministr unutranych spraŭ Ihar Šunievič prachodzić lačeńnie ŭ špitali Ministerstva ŭnutranych spraŭ.
U vyniku ŭ Minsku pajšli čutki, što ŭ ministra zdarylisia prablemy z sercam paśla narady ŭ Łukašenki. Ale, jak nam udałosia vyśvietlić, Šunieviča špitalizavali jašče 9 kastryčnika. Na vialikuju naradu da Łukašenki, jakaja prajšła 13 kastryčnika, jon, chutčej za ŭsio, pryjechaŭ z balnicy.
Viadoma, što Ihar Šunievič prachodzić lačeńnie ŭ nieŭrałohii. Va ŭsiakim razie, za im tam zamacavanaja asobnaja pałata. U toj ža čas, naziraje jaho, kažuć, kardyjołah.
U špitali Šunievič redka pravodzić ceły dzień. Čaściej za ŭsio pryjazdžaje na pracedury, načuje doma. Na vychodnych jaho taksama ŭ špitali niama.
50-hadovy Ihar Šunievič zajmaje pasadu ministra ŭnutranych spraŭ Biełarusi ad 2012 hoda. Jon uradženiec Łuhanskaj vobłaści Ukrainy, u Biełarusi skončyŭ u 1992 hodzie Akademiju milicyi.
Šunievič źviarnuŭ na siabie ŭvahu, kali ŭ časie masavych aryštaŭ paśla Płoščy 2010 hoda asabista braŭ aktyŭny ŭdzieł u dopytach i «raspracoŭcy» palityčnych źniavolenych, choć jon tady zajmaŭ pasadu kiraŭnika hałoŭnaha ŭpraŭleńnia pa baraćbie z karupcyjaj i arhanizavanaj złačynnaściu KDB.
Šunievič ličycca prychilnikam žorstkaj linii i čałaviekam prarasijskich pohladaŭ. Kažuć, što jon taksama vyklučna patrabavalny da padnačalenych i nieciarpimy da karupcyi.
* * *
Na telehram-kanał «Našaj Nivy» možna padpisacca tut.
Ciapier čytajuć
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary