Fiłosaf Piotr Rabaŭ departavany ź Biełarusi ŭ Rasiju, raspavioŭ RBK arhanizatar lekcyj fiłosafa ŭ Hrodnie i Baranavičach Jaŭhien Jaŭhienavič.
«Rabaŭ ŭžo na voli, ale ciapier jamu na 10 hadoŭ zabaranili naviedvać našu respubliku», - paviedamiŭ arhanizatar.
«Siońnia paśla vyzvaleńnia Rabaŭ spyniŭ haładoŭku, i my padyšli pieradać jamu ježy na płatformie — da taho momantu čaćviora supracoŭnikaŭ (pravaachoŭnych orhanaŭ) užo pravodzili Rabava na ciahnik da Smalenska. Kali my sprabavali pieradać ježu, to supracoŭniki sprabavali nas dapytać, a zatym adnaho z pravaabaroncaŭ zatrymali», - raspavioŭ jon. Pavodle jaho słoŭ, Rabava ŭ ciahniku taksama supravadžaje supracoŭnik u cyvilnym.
Dacent kafiedry fiłasofii Maskoŭskaha piedahahičnaha univiersiteta Piotr Rabaŭ, jaki pryjechaŭ u Biełaruś, kab pračytać lekcyi pa anarchizmu i palityčnaj fiłasofii, byŭ zatrymany milicyjaj 10 kastryčnika.
11 kastryčnika sud horada Baranavičy prysudziŭ fiłosafa da šaści sutak u izalatary časovaha ŭtrymańnia za toje, što rasijanin nibyta niecenzurna łajaŭsia. U sudzie Rabaŭ abviaściŭ haładoŭku i zajaviŭ, što nie zhodny z prysudam.
Piotr Rabaŭ - kandydat fiłasofskich navuk, daśleduje historyju i fiłasofiju anarchizmu, aŭtar knih «Karotki narys historyi anarchizmu ŭ XIX-XX stahodździach», «Historyja ruskaha naroda i rasijskaj dziaržavy» i «Kultura Ełady».
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary