21 kastryčnika ŭrad Ispanii abviaściŭ, što maje namier vykanać art. 155 Kanstytucyi. Jon dekłaruje, što, kali adzin z rehijonaŭ nie vykonvaje svaje abaviazacielstvy pierad dziaržavaj albo škodzić nacyjanalnym intaresam Ispanii, urad uchvaleńnia sienata maje prava prymianić lubyja miery ŭ ramkach zakona, kab vypravić situacyju, piša RBK.
Hałasavańnie ŭ sienacie pa katałonskim pytańni pryznačana na 27 kastryčnika. Madryd pierakanany, što zaraz maje miesca parušeńnie abodvuch pałažeńniaŭ artykuła — nievykanańnie abaviazacielstvaŭ i škodu dziaržaŭnym intaresam.
Ale da pasiadžeńnia sienata parłamient Katałonii praviadzie ekstrannuju siesiju, dzie abmiarkuje svoj adkaz na dziejańni Madryda. U svajoj kałoncy na The Independent hienieralny sakratar katałonskaj Rady pa publičnaj dypłamatyi Albiert Rojo-Marynie paabiacaŭ, što siesija stanie «histaryčnaj».
A pa dadzienych ispanskaj haziety La Razon, na siesii, jakaja adbudziecca 27 kastryčnika, Karles Pučdemon i jaho paplečniki abvieściać pra niezaležnaść Katałonii.
Va ŭrada Katałonii jość dva asnoŭnyja varyjanty adkazu Madrydu. Albo rehijanalny parłamient kančatkova prymaje dekłaracyju ab niezaležnaści, albo Pučdemon apiaredzić Madryd i sam raspuścić rehijanalny parłamient. U lubym vypadku na vypracoŭku adkazu ŭ Barsiełony ŭsiaho čatyry dni.
Raniej krynicy Bloomberg śćviardžali, što ŭžo ŭ paniadziełak, 23 kastryčnika, parłamient Katałonii budzie abmiarkoŭvać techničnyja pytańni abviaščeńnia niezaležnaści.
***
1 kastryčnika na refierendumie ŭ Katałonii 90% vybarščykaŭ pry jaŭcy ŭ 43% (2,28 młn z 5,31 młn vybarščykaŭ) vykazalisia za adździaleńnie ad Ispanii. Madryd paličyŭ praviadzieńnie refierendumu niezakonnym. U svaju čarhu Pučdemon zajaviŭ, što Katałonija atrymała prava na niezaležnaść, ale spačatku prapanuje Madrydu pieramovy. Rachoj u adkaz zapatrabavaŭ ad Pučdemona rastłumačyć, abviaściła aŭtanomija niezaležnaść ci nie. Nie dačakaŭšysia ad Barsiełony vyraznaha adkazu, urad Ispanii i nakiravaŭ na zaćviardžeńnie miery ŭ kantekście prymianieńnia art. 155 Kanstytucyi.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary