Amal 2300 delehataŭ kamunistyčnaj partyi Kitaja adnahałosna prahałasavali za ŭniasieńnie imia ciapierašniaha kiraŭnika KNR u hałoŭny partyjny dakumient, pieradaje dw.com.
Kamunistyčnaja partyja Kitaja (KPK) uniesła imia kiraŭnika KNR i hienieralnaha sakratara CK KPK Si Czińpina ŭ tekst statuta, pastaviŭšy jaho tym samym na adzin uzrovień z dvuma najbujniejšymi kamunistyčnymi lidarami krainy — Maa Czedunam i refarmataram Kitaja Den Siaapinam. Heta rašeńnie adnahałosna zaćvierdzili amal 2300 delehataŭ 19-ha źjezdu partyi ŭ aŭtorak, 24 kastryčnika, u Piekinie.
U adpaviednaści z praŭkami ŭ tekście statuta ciapier zamacavana «bahaćcie idej Si Czińpina ŭ novaj ery sacyjalizmu z kitajskaj śpiecyfikaj». Ciapier asnoŭnyja idei kitajskaha kiraŭnika pavinny buduć słužyć «majakom» dla pracy 89 młn členaŭ kampartyi.
Vystupajučy na źjeździe, Si Czińpin zaklikaŭ davieści da kanca «novaje padarožža pa pabudovie sacyjalizmu z kitajskaj śpiecyfikaj». U svajoj pramovie, jakaja doŭžyłasia 3,5 hadziny, jon zaklikaŭ damahčysia pabudovy hramadstva siaredniaha dastatku i paabiacaŭ pieratvaryć Kitaj da 2050 hoda ŭ bahatuju, mahutnuju, demakratyčnuju i madernizavanuju sacyjalistyčnuju dziaržavu.
Takim čynam 64-hadovy Si Czińpin mienš čym praź piać hadoŭ paśla abrańnia na pasadu kiraŭnika KNR staŭ druhim paśla zasnavalnika Kitajskaj narodnaj respubliki kiraŭnikom, zaniesienym pryžyćciova ŭ statut partyi. Imia byłoha kitajskaha lidara Den Siaapina ŭniesiena ŭ hałoŭny partyjny dakumient u 1997 hodzie paśla jaho śmierci. Pry hetym u statucie zhadvajucca tolki «teoryi» Den Siaapina i adznačajecca «bahaćcie idej» Maa Czeduna — apošniaja farmuloŭka ŭ kamunistyčnaj ideałohii Kitaja aceńvajecca vyšej, adznačaje dpa.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary