Kaśpierski raspavioŭ ab vyjaŭlenych sakretnych dakumientach śpiecsłužbaŭ ZŠA
Jaŭhien Kaśpierski raspavioŭ partału ABC News pra toje, jak jahonaj łabaratoryi stali dastupnyja sakretnyja dakumienty amierykanskaha Ahienctva nacyjanalnaj biaśpieki (ANB).
Pavodle jaho słovaŭ, u 2014 hodzie supracoŭniki, jakija zapampoŭvali infarmacyju pra chakieraŭ hrupoŭki Equation, pryjšli ŭ jaho kabiniet i paviedamili, što jany razam z dadzienymi ab chakierach vypadkova spampavali zasakrečanyja dakumienty ANB.
U «Łabaratoryi Kaśpierskaha» archiŭ praanalizavali, znajšli ŭ im zychodny kod Equation, paśla čaho jon byŭ vydaleny z usich sistem. Trecim asobam hetaja infarmacyja nie pieradavałasia.
Čamu archiŭ z sakretnymi dakumientami byŭ vydaleny, Kaśpierski nie adkazaŭ. Miž tym, pa niekatorych dadzienych, hrupoŭka Equation supracoŭničaje z ANB. Tamu trapleńnie fajłaŭ ad chakieraŭ zaniepakoiła kiraŭnictva Ahienctva, i Kaśpierskaha paprasili terminova vydalić usie atrymanyja fajły.
Pytańni da kampanii Jaŭhiena Kaśpierskaha nakont zakonnaści atrymańnia sakretnych dakumientaŭ uźnikli ŭ suviazi z tym, što niadaŭna izrailskija raźviedčyki vyjavili vykarystańnie chakierami rasijskaha ŭrada antyvirusnaha prahramnaha zabieśpiačeńnia «Łabaratoryi Kaśpierskaha» dla vykradańnia dadzienych pa ŭsim śviecie, u tym liku ŭ ZŠA.
Čytajcie: Izrailskaja raźviedka papiaredziła ZŠA, što Rasija špijonić praz antyvirus «Kaśpierski»
U intervju Kaśpierski zapeŭniŭ, što lubyja sakretnyja dakumienty, nienaŭmysna zaŭvažanyja jahonym prahramnym zabieśpiačeńniem, buduć nieadkładna źniščanyja pry adkryćci, jak heta i adbyłosia ŭ vypadku z fajłami Equation.
-
ŠI-ahienty zamieniać prahramy: hiendyrektar Microsoft pradkazvaje revalucyju ŭ karystańni kampjutarami
-
Ad braniravańnia pajezdak da ździajśnieńnia navukovych adkryćciaŭ. Nieŭzabavie moža źjavicca novaja madel štučnaha intelektu
-
Kitaj śćviardžaje, što stvaryŭ pieršyja ŭ śviecie drony z łaziernaj zbrojaj
Kamientary