Kubinskija śledčyja miarkujuć, što akustyčnyja ataki, u vyniku jakich, pavodle śćviardžeńnia Dziarždepartamienta, u Havanie paciarpieli bolš za 20 amierykanskich dypłamataŭ, mahli być strakatańniem cvyrkunoŭ abo cykad.
Pra heta havorycca ŭ śpiecyjalnym repartažy, prademanstravanym u čaćvier viečaram u efiry kubinskaha telebačańnia.
Kubinskija ekśpierty praanalizavali try aŭdyjozapisy ź niejkim šumam, što, jak śćviardžaje amierykanski bok, nanios škodu zdaroŭju dypłamataŭ. «Huki na hetych zapisach byli vielmi padobnyja na huki, jakija vydajuć niekatoryja vidy nasiakomych, u pryvatnaści, cvyrkuny i cykady. Hetyja nasiakomyja sustrakajucca na ŭsioj terytoryi Kuby. Jany byli vyjaŭlenyja i pablizu miescaŭ pražyvańnia amierykanskich dypłamataŭ», — adznačajecca ŭ repartažy.
Pa słovach śledčych, doŭhi ŭździejańnie na čałavieka hukaŭ, jakija robiacca cykadami abo cvyrkunami, moža pryvieści da straty słychu, pavyšeńniu arteryjalnaha cisku i stać pryčynaj źjaŭleńnia razdražnialnaści.
Kubinskija śledčyja paviedamili pra vyniki praviedzienych daśledavańniaŭ amierykanskamu boku, adnak nijakaha adkazu pakul nie atrymali.
Jak padkreślivajecca ŭ repartažy, da hetaha času nijakich dokazaŭ taho, što amierykanskija dypłamaty sapraŭdy padvierhlisia ŭ Havanie niejkim akustyčnym napadam, kubinski bok nie vyjaviŭ. «Na Kubie niama abstalavańnia, jakoje mahło być vykarystana dla ździajśnieńnia padobnych napadaŭ. Uvoz pryboraŭ z takimi techničnymi mahčymaściami ŭ krainu zabaronieny», - adznačaje kubinskaje telebačańnie.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary