U aeraporcie Minska šukajuć kata, jaki źbieh u zonie mytnaha nadhladu. Infarmacyju pra heta raźmiaściła na svajoj staroncy ŭ fejsbuku bortpravadnica Taćciana Astroŭskaja.
Haspadary kata vieźli jaho ź Pieciarburha ŭ Ženievu, u Minsku jany rabili pierasadku. «Za niekalki hadzin šlachu kot ad darohi byŭ u žudasnym stresie. Na mytni ŭ aeraporcie paprasili pradjavić kata i vyniać ź pieranoski. Kot spałochaŭsia, vyśliznuŭ z ruk, padrapaŭ haspadaroŭ i ŭciok», — havorycca ŭ dopisie.
Kot moža ŭsio jašče znachodzicca ŭnutry budynka aeraporta ŭ zonie mytnaha nadhladu. Jaho zavuć Marcik, jon małady, puchnaty, z doŭhaj poŭściu, ale pavodle afarboŭki padobny na sijamskaha. Na staroncy Taćciany paznačany kantaktnyja dadzienyja haspadaroŭ kata.
0
0
0
0
0
0
