У мінскім аэрапорце шукаюць ката, які збег ад гаспадароў проста падчас мытнага надгляду ФОТА
У аэрапорце Мінска шукаюць ката, які збег у зоне мытнага надгляду. Інфармацыю пра гэта размясціла на сваёй старонцы ў фэйсбуку бортправадніца Таццяна Астроўская.
Гаспадары ката везлі яго з Пецярбурга ў Жэневу, у Мінску яны рабілі перасадку. «За некалькі гадзін шляху кот ад дарогі быў у жудасным стрэсе. На мытні ў аэрапорце папрасілі прад'явіць ката і выняць з пераноскі. Кот спалохаўся, выслізнуў з рук, падрапаў гаспадароў і ўцёк», — гаворыцца ў допісе.
Кот можа ўсё яшчэ знаходзіцца ўнутры будынка аэрапорта ў зоне мытнага надгляду. Яго завуць Марцік, ён малады, пухнаты, з доўгай поўсцю, але паводле афарбоўкі падобны на сіямскага. На старонцы Таццяны пазначаны кантактныя дадзеныя гаспадароў ката.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары