Natchnieńnie: instahram pa-biełarusku fanatki jaščarak Ružany Viačorki
Štotydzień my dzielimsia z vami tałkovymi profilami. Dla natchnieńnia i nie tolki. Kožnuju sieradu — novaja hierainia ci hieroj!
Ružana Viačorka zachaplajecca fatahrafijaj, vučycca na bijałahičnym fakultecie BDU. Jaje luboŭ da žyvoha śvietu prajaŭlajecca pramym čynam: doma ŭ dziaŭčyny žyvuć dźvie jaščarki i kot.
«Pieršaja maja jaščarka, eublefar Džazefina źjaviłasia 7,5 hoda tamu: ja ź dziacinstva lubiła reptylij, tamu ŭ jakaści padarunka na dzień narodzinaŭ paprasiła jaščarku. Druhoj jaščarkaj u siamji stała baradataja ahama Žyvik, taksama padarunak na śviata. Mienavita heta vid mnie vielmi padabajecca, bo jaho pradstaŭniki razumnyja. Akramia taho, vielmi śmiešnyja i padobnyja da cmokaŭ. Nu, a kata Kata ja prosta padabrała na vulicy: jon i cikavicca jaščarkami, i baicca ich adnačasova», — raskazvaje Ružana.
Jaščarki ličucca prymityŭnymi pradstaŭnikami žyviolnaha śvietu, ale niekatory ź ich mohuć navat adhukacca na svajo imia i vielmi pryviazvajucca da haspadaroŭ. Pry dobrym dohladzie paŭzuny mohuć žyć ažno da 30 hadoŭ.
Taksama Ružana pościć šmat fotazdymkaŭ ź biełaruskimi piejzažami i naciurmortami i dzielicca ŭražańniami z vandrovak. Karaciej, raim padpisacca.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary