Najdžeł Hułd‑Devis ličyć, što kali vybary projduć dastojna, to jość mahčymaść praryvu ŭ adnosinach pamiž Biełaruśsiu i Eŭrasajuzam
Pasoł Vialikabrytanii ŭ Biełarusi Najdžeł Hułd‑Devis ličyć, što biełaruskaj apazicyi nie varta bajkatavać parłamienckija vybary. Takuju dumku jon vykazaŭ 17 vieraśnia na sustrečy z žurnalistami ŭ Minsku.
Dypłamat zaznačyŭ, što kiraŭnictva Biełarusi nieadnarazova zajaŭlała ab svaich namierach pravieści vybarčuju kampaniju adkryta i sumlenna.
«Kali aficyjnyja asoby nie raz zajaŭlali, što jość namiery pravieści vybary sumlenna, to apazicyi varta ŭziać udzieł u ich.Chacia b dla taho, kab pravieryć hetyja namiery i zajavy», — skazaŭ N.Hułd‑Devis.
«Kali vybary projduć dastojna, to jość mahčymaść praryvu ŭ adnosinach pamiž Biełaruśsiu i Jeŭrasajuzam», — zajaviŭ pasoł Vialikabrytanii. «Heta značyć, što vybary pavinny prajści sumlenna i adkryta, pavinien być zabiaśpiečany dakładny padlik hałasoŭ», — skazaŭ dypłamat.
Pry hetym jon padkreśliŭ, što dla Jeŭrasajuza i mižnarodnych naziralnikaŭ «važny sam praces, a nie vynik».
«Kali budzie sumlenny i adkryty vybarčy praces, to Biełaruś moža spadziavacca na stanoŭčuju acenku vybaraŭ, — skazaŭ dypłamat. — Asabista ja vieru zajavam prezidenta ab tym, što vybary projduć adkryta i demakratyčna. Spadziajusia, što ŭsie adkaznyja za heta ludzi hetaksama da hetaha staviacca».
Razam z tym,
jak padkreśliŭ Najdžeł Hułd‑Devis, peŭnaja zaniepakojenaść nakont spraviadlivści vybaraŭ isnuje.«U minułym naziralniki znachodzili niedachopy ŭ praviadzieńni daterminovaha hałasavańnia i padliku hałasoŭ u dzień vybaraŭ, — zaznačyŭ jon. — Dla palapšeńnia vybarčaha pracesu nieachodna zabiaśpiečyć naležnaje i efiektyŭnaje pradstaŭnictva poŭnaha śpiektra pradstaŭnikoŭ usich palityčnych partyj u vybarčych kamisijach».
Dypłamat vykazaŭ spadziavańnie, što skład vybarčych kamisij budzie pierahledžany z tym, kab uklučyć u ich «dastatkovuju kolkaść» pradstaŭnikoŭ apazicyi. Jon taksama padkreśliŭ, što było b pamyłkovym ličyć, što «štučnaje farmiravańnie parłamienta pry ŭklučeńni ŭ jaho niekatorych apazicyjnych fihur było b dastatkovym dla pryznańnia vybaraŭ».
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary