Z-vajenkar: Va Ukrainu z Alešak vyjazdžajuć 17 aŭtobusaŭ, u Rasiju — tolki 4
Rasijski Z-vajenkar Uładzimir Ramanaŭ, jaki prysutničaje ŭ časova akupavanych Aleškach na Chiersonščynie, adkul pravodzicca evakuacyja nasielnictva, napisaŭ u svaim telehram-kanale, jak raźmiarkoŭvajecca kolkaść žycharoŭ pa vybary krainy, u jakuju jany chočuć vyjechać.
Pa słovach Ramanava, z akupavanych Alešak va Ukrainu vyjazdžajuć 17 aŭtobusaŭ, a ŭ Rasiju — 4.
Praŭda, jon sam sumniajecca, što pra heta buduć havaryć aficyjna:
«Pa televizary chutčej za ŭsio pakažuć bolš našych aŭtobusaŭ, ale ŭ ich buduć hłucha zaštoranyja vokny», — napisaŭ Z-vajenkar, namiakajučy, što bolšaść aŭtobusaŭ buduć pustyja.
Nieŭzabavie hety post byŭ radykalna padkarektavany — tekst pra raźmierkavańnie žycharoŭ Alešak byŭ ź jaho całkam vydaleny.
Raniej premjer-ministr Ukrainy Siarhiej Karecki paviedamiŭ, što 527 čałaviek vyrašyli vyjechać z Alešak na terytoryju, padkantrolnuju ŭradu Ukrainy.
Adnak paźniej jon źniapraŭdziŭ hetuju infarmacyju i dadaŭ, što aficyjnyja danyja buduć paviedamlenyja paśla zakančeńnia pracesu evakuacyi.
Pavodle jaho słoŭ, dalej žychary Alešak «składanym maršrutam» trapiać na terytoryju Biełarusi ŭ Homiel, a ź Biełarusi pierasiakuć miažu Ukrainy.
Ludziej spačatku dastaviać da rasijskaj Anapy ŭ Krasnadarskim krai, a adtul samalotam — da Homiela. Dalej maršrut pralahaje praz punkt propusku «Novaja Huta» na ukrainska-biełaruskaj hranicy da Kijeva.
Pieralot z Anapy da Homiela čakajecca 31 kastryčnika. Evakujavanych budzie supravadžać ukrainskaja delehacyja. Tym, chto vyrašyć zastacca na miescy, razdaduć humanitarnuju dapamohu.
Aleški, jakija znachodziacca pad rasijskim kantrolem, na praciahu apošnich miesiacaŭ apynulisia ŭ situacyi, blizkaj da humanitarnaj katastrofy. Horad pastajanna abstrelvajuć, a mahčymaści vyjechać adtul amal niama, bo bolšaść daroh zaminiravanyja.
U kancy kastryčnika pry pasiarednictvie Miełanii Tramp Rasija i Ukraina damovilisia pra łakalnaje spynieńnie ahniu, kab dać žycharam mahčymaść pakinuć horad. Režym cišyni pačaŭ dziejničać 27 kastryčnika i, pavodle damoŭlenaści, pavinien praciahvacca da 1 listapada.
Ukrainskaja delehacyja prybyła ŭ Aleški, ludzi płačuć ad ščaścia
U Homieli prachodzić apieracyja dastaŭki žycharoŭ Alešak va Ukrainu
Evakujavanych žycharoŭ Alešak buduć pierapraŭlać va Ukrainu praź Biełaruś
U Aleškach pad Chiersonam pačaŭsia režym cišyni
Miełanija Tramp zajaviła, što damahłasia humanitarnaha pieramirja ŭ Aleškach
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»4
Kamientary