Nočču na 1 listapada atakavany naftapierapracoŭčy zavod «Łukojła» ŭ Kstovie Nižaharodskaj vobłaści. Paviedamlajecca pra pažar adrazu ŭ niekalkich miescach.
Kadry maštabnaha pažaru ŭ Kstovie pačali raspaŭsiudžvacca ŭ sacsietkach kala 4 ranku. Miascovyja žychary paviedamlali pra vybuchi, a manitorynhavyja kanały — pra ŭdar pa NPZ, paśla jakoha na pradpryjemstvie ŭźnikli niekalki ačahoŭ pažaru.
Pavodle manitorynhavych kanałaŭ, zavod atakavali bieśpiłotniki, jakija zdoleli pieraadoleć rasijskuju supraćpavietranuju abaronu.
Kanał Exilenova+ taksama paviedamiŭ pra mahčymuju ataku na ciepłaelektracentral u Kstovie. Jana zabiaśpiečvaje enierhijaj miascovuju pramysłovaść, u tym liku pradpryjemstvy naftachimičnaha kompleksu.
Hubiernatar Nižaharodskaj vobłaści Hleb Nikicin paviedamiŭ pra ataku i značnyja paškodžańni pramysłovaha pradpryjemstva ŭ Kstoŭskim rajonie, ale nie nazvaŭ jaho. Pavodle jaho papiarednich źviestak, paciarpiełych niama. Jon taksama zajaviŭ pra źniščeńnie bolš jak sotni dronaŭ i papiaredziŭ pra mahčymyja pieraboi z elektryčnaściu, haračaj vadoj i aciapleńniem padčas adnaŭlenčych rabot.
«Łukojł-Nižaharodnaftaarhsintez» — adzin z najbujniejšych naftapierapracoŭčych zavodaŭ Rasii. Jaho prajektnaja mahutnaść składaje kala 17 miljonaŭ ton nafty za hod. Pa hetym pakazčyku pradpryjemstva zajmaje čaćviortaje miesca siarod rasijskich NPZ, a pa abjomie vytvorčaści aŭtamabilnaha bienzinu — druhoje.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary