Viktar Kalina prosić Łukašenku abaranić jaho ad «apazicyi, radykałaŭ i banderaŭcaŭ»
Zvaroty da miascovych uładaŭ z patrabavańniem admianić kancerty Viktara Milko (Kaliny) napałochali śpievaka, jaki simpatyzuje terarystam z «DNR» i «ŁNR». Pa abaronu šansańje źviarnuŭsia da kiraŭnika Biełarusi — paviedamlaje Biełsat
Žychary Horadni i Bieraścia zapatrabavali ad uładaŭ zabaranić praviadzieńnie kancertaŭ Kaliny ŭ ich haradach.
Śpiavak adreahavaŭ na heta zvarotam da Alaksandra Łukašenki, jaki apublikavaŭ taksama ŭ sacsietkach:
«Ja nie adčuvaju siabie ŭ biaśpiecy! Mianie pieraśledujuć radykały. Zryvajuć kancerty. Rabotniki kultury i ideałohii, jak ja miarkuju ź miascovymi kiraŭnikami haradoŭ, jak heta było ŭ horadzie Rečyca, jak heta adbyvałasia ŭ horadzie Vorša, spałochaŭšysia radykałaŭ ad apazicyi, rušyŭšy ŭśled za imi, sarvali (Rečyca) moj kancert, a ŭ Voršy admianili».
Taksama Kalina adznačaje, što Łukašenka — «lepšaje, što mahło zdarycca ź Biełaruśsiu». I supraćpastaŭlaje svaju dziejnaść tvorčaści Michałka. Svaich hledačoŭ šansańje zapisvaje ŭ elektarat Łukašenki, a prychilnikaŭ Michałka ŭ apazicyju.
«Moj hladač, heta ŭ masie vybarščyk z maimi pohladami. Ja źmiryŭsia z tym, što ŭ dačynieńni da mianie dziejničaje niejkaja zabarona ŭ srodkach masavaj infarmacyi. Ale ja nie mahu pryniać situacyju, kali apazicyja, radykały, nacyjanalisty, banderaŭcy ŭčynili ckavańnie majoj tvorčaści i majho imia, a niekatoryja dziaržaŭnyja čynoŭniki, pa prykładzie Rečycy i Voršy im dapamahajuć u hetym. Zastajusia prychilnikam svajho Prezidenta i jaho vybarščykam», —- piša Kalina.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary