Fota Ecoalf.
I płastykavaje śmiećcie, jakoje ŭtvaraje vializnyja vyspy ŭ akijanie, i kiłamietry zvałak z hnijučym tekstylem niezvarotna źmianiajuć chimičny skład našych ekasistemaŭ, atručvajučy ich na šmat hod napierad.
Fota Ecoalf.
Stvaralnik ispanskaha brenda adzieńnia Ecoalf Chaŭjer Hojieneča vyrašyŭ adkazać na vyklik času. Jahonaja kampanija pačała pieratvarać płastykavaje śmiećcie sabranaje ŭ Mižziemnym mory ŭ nici dla tkaninaŭ, jakija nadajucca da vykarystańnia ŭ vopratcy. Hety prajekt, «Upcycling Oceans», byŭ naminavany na premiju 2017's Beazley Designs of the Year.
Ecoalf pradaje hetuju vopratku pad łozunham: «Bo ŭ nas niama płaniety B», i imkniecca stvaryć liniju modnaha adzieńnia z takoj ža jakaściu, dyzajnam i techničnymi charaktarystykami, jak u najlepšych jeŭrapiejskich brendaŭ.
Chaŭjer Hojieneča ličyć, što praz modu možna dasiahać adukacyjnych metaŭ: «Heta pavialičvaje viedy ludziej pra toje, što adbyvajecca na płaniecie, i my pracujem u napramku dasiahnieńnia absalutna jasnaj mety: spynić niadbajnaje vykarystańnie pryrodnych resursaŭ kab zabiaśpiečyć lepšuju budučyniu dla nastupnych pakaleńniaŭ».
Fota Ecoalf.
U vieraśni hetaha hodu Ecoalf adčyniŭ svaju filiju ŭ Tajłandzie, bo 60 adsotkaŭ akijaničnaha płastykavaha śmiećcia prypadaje na krainy Azii.
Tajski prajekt papularyzacyi ekałahičnych viedaŭ praz vopratku maje padtrymku turystyčnaha viedamstva karaleŭstva. Adnak Chaŭjer Hojieneča kaža, što hetaha niedastatkova — i što jon maryć pra raspaŭsiud svajoj idei pa ŭsim śviecie.
Chaŭjer Hojieneča. Fota Ecoalf.
