Prychilniki niezaležnaści Katałonii praviali siońnia maštabny strajk, padčas jakoha pierakryli niekalki aŭtamabilnych daroh i čyhunak. Ciaham dnia darohi pratestoŭcy zdoleli zabłakavać darohi roznaha ŭzroŭniu ŭ 66 miescach, u tym liku chutkasnuju čyhunačnuju mahistral ź Ispanii da Francyi, paviedamlaje Reuters.
Miascovyja miedyi adznačajuć, što bolšaść bujnych kampanij i mahazinaŭ nie dałučylisia da strajku. Pratestoŭcy patrabujuć vyzvaleńnia členaŭ adchilenaha ŭrada i lidaraŭ katałonskich sieparatysckich ruchaŭ, jakija aryštavanyja pavodle abvinavačańniaŭ u buncie.
Siońnia ž Kanstytucyjny sud Ispanii anulavaŭ dekłaracyju niezaležnaści, pryniatuju parłamientam Katałonii.
Palityčny kryzis u Katałonii pačaŭsia ŭ suviazi z refierendumam pra niezaležnaść, jaki praviali 1 kastryčnika ŭłady aŭtanomnaha rehijonu. Ułady Ispanii abjavili hałasavańnie niezakonnym i sprabavali pieraškodzić jaho praviadzieńniu. Pa śćviardžeńni katałonskich uładaŭ, bolšaść prahałasavaŭšych vykazalisia za niezaležnaść rehijona ad Ispanii.
U kancy kastryčnika parłamient Katałonii, nasupierak patrabavańniam ispanskaha ŭrada, pryniaŭ dekłaracyju ab niezaležnaści. Paśla hetaha Madryd ŭvioŭ u rehijonie źniešniaje kiravańnie (pracedura praduhledžana ispanskaj Kanstytucyjaj), zvolniŭ administracyju Katałonii i raspuściŭ miascovy parłamient.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9
Kamientary